2015-12-18 09:51:22森源
杏香四溢…
伴隨著一首Silent night的樂曲響起，驟然感到聖誕越來越近，每逢節日都會同美食扯在一起，就算唔係咩美食，都總會聯想到應節食物，聖誕節都離唔開曲奇餅或者薑餅，通常都係派對餅食，講到聖誕…森伯反而諗起呢種杏仁餅！其實呢隻杏仁餅都食了很久，包裝紙都換了幾趟，喜歡杏仁應該會喜歡呢隻餅，好多時一般講杏仁，可能會諗到類似堅果款的杏仁，兩頭尖尖地食落好脆，但呢種就係我們港人稱為南杏，外表細細粒心形，用來攪杏仁糊那種…
通常呢個餅好少自己買，屋企人經過某間百貨公司就會買包畀我！所以都算由少食到老，霎吓眼幾廿年XXXD
森伯至like就係它實在的杏仁味而且有小小的原粒杏仁，簡單的味道就好似將杏仁糊化做為杏仁餅！！係唔錯的味道～其實杏仁餅唔係節日限定，一年四季都應該有，可能聖誕時總見呢款餅的影蹤，所以就不其然聯想起聖誕凍凍地時食喇！
整番杯熱熱的奶，伴隨著杏香四溢的杏仁餅，呢個仲唔係暖笠笠的聖誕早餐？！！
原來快樂很簡單, 杏仁餅乾是森干寶貝!
版主回應
森伯的森干寶貝都幾多!!唔單止杏仁餅...咁KK兄經過某公司,記得帶番包餅去老人院探吓森伯喎!!XXXXXD 2015-12-21 14:45:00
我都喜歡去M&S買軟糖同餅干小食等，
你呢款都有食過，唔錯！
版主回應
M&S的軟糖好味嗎?!有機會都要買來試試~~原來呢款餅都有幾多人試過!!我就覺得唔錯~~ 2015-12-21 09:31:30
到森兄住劍橋時, ykk都係牛津:)
到時拎啲手信,互探都得卦!!! 2015-12-23 18:01:41