2015-11-30 16:50:49森源
事出必有因…
時間真係飛咁快，好快又來到十二月，因為每逢年頭年尾都好多節目，當我哋諗到各種歡興之餘，而十二月一日，又係乜乜紀念日呢？除非好井底啫，否則好多人都知係世界愛滋病日，因為到年尾十二月傳媒總會提一提…其實呢類紀念日都唔會有咩慶祝活動之類，只係叫世人關注呢個疾病！記得以前提到AIDS個個都唔敢講，甚恐懼，但時至今日唔知大家又會否開明咗呢？！其實有些「病」都唔一定屬於負面詞，都可以從正面的角度去思考…就好似今早看到一篇文章，講一位女士患胰臟癌，就係患癌後先知佢的生活與飲食習慣有幾咁大亂，所以先搞到有癌病，經過一番手術治療後康復，個人好似重新做人，在生活飲食都有重大改變…呢啲咪叫正面囉！
其實同愛滋病一樣道理，早排有單荷里活男星染病，原來佢性伴都係以成千計，聽落都幾駭人聽聞…所謂事出必有因，凡事都有原因與結果。人只不過係血肉驅體，樣樣都有一個限度，太過濫或縱最終都唔駛多講啦～～
咁當然每個人都有自己的生活方式或自己所揀的路，最後有咩衫長褲短，當然都係由自己去承擔吧！！
森兄最懂養生之選道,知所節制,一定可以健康快樂過日子^^
版主回應
可以健康快樂過日子…相信都係每個人的願望~~
2015-12-04 09:55:38
豆渣加麵粉 雞蛋 芫茜（或葱）落鑊煎香已經好好食，豆渣餅、炒青菜同白飯就係午餐、晚餐，冇煮肉食，健康有益又慳家。你可以加甘筍絲、冬菇做素餅，有人會加蝦仔、肉碎、雞肉、蟹柳、蜆……多啲變化
版主回應
其實用豆渣煎豆餅之前我都聽過，不過煎的短短時間內怕豆渣唔熟，所以冇做到…你建議的豆餅的材料好豐富，十足整pizza喎！若然是我越簡單越好，就咁加葱煎塊葱油餅就算……假設整得麻麻地都唔駛浪費咁多料嘛…哈哈 2015-12-04 09:54:13
認同，最重要還是要自重，別成為家人的負擔！
最主要想帶出做人自重的重要！！ 2015-12-04 09:56:03