2015-11-18 16:20:23森源
向上刷、向下刷…
經過幾日的折騰（轉季＋風濕＋關節痛＋休養），今日暫且可以重投工作的懷抱！查實若果可以休多一兩天就應該比較好～之不過唔想休休吓好似在公司裡人間蒸發……
只因…生活仍是要繼續…仍可在營役裡偷少少閒～
唔知大家有冇講究吓牙膏呢樣生活用品咁呢？！一話可以隨便揀一種都可以，在超市裡的牙膏真係好多種，真係乜都有，要幾特別有幾特別…其實對森伯來講，我覺得最簡單就最好，一向都用開支裝，可是支裝牙膏實在太膏狀，感覺唔易滲入牙縫內，每次都要醮些水來用就會比較好刷！
不過現在有了呢種液態牙膏，用起來就方便好用得多，其實呢種牙膏好耐之前都有，唔知大家有冇為意，可是唔係太普遍，一般超市搵到有（ColgaXX）不過個人認為呢隻麻麻地～～
至於相中呢種，就是我暫時認為最好的液態牙膏，清新得嚟又幾自然，唔會一味薄荷味…用後的感覺對牙齒唔會因力度過重而造成傷害，而且它有二合一的功能，既可當牙膏用，兼夾當埋漱口水！可是市面上唔多見，而呢支要就在（ManninXXX）裡購買，而且仲唔係間間都有…
自己就覺得OK唔錯喇！有得買都會繼續用嘅～～
呢隻液態牙膏都有見過，但習慣咗用牙膏！
風濕+關節痛...睇醫生會唔會可以减輕痛楚？！
版主回應
凡事都係講習慣, 習慣咗就好難改…哈哈唔駛, 休息最緊要~~ 2015-11-23 09:04:17
講完段開場白，跟著係森馬仔粉墨登場唱 《萬惡淫為首》。kaka
乜十幾年前咁耐架？唔覺有乜宣傳推廣喎！牙醫話用牙線清潔會乾淨好多。市面有冲牙機微爆噴水潔牙森仔又點睇呢？
版主回應
唔係呃你…森伯都想唱返首萬惡淫為首~~之不過現在的天氣,真係好難唱冷得我騰騰震呢!!!!...哈哈哈呢隻牙膏液好耐架嘞!!!記得以前重有綠色裝…牙線可能好, 不過都市人又有幾多時間慢慢用呢!!我刷牙會配合牙縫刷OK架~~
沖牙機?!!…我認為冇乜必要~~~ 2015-11-23 09:03:30
親愛的台長︰
恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
稍後會到圖片區看看！ 2016-01-08 09:55:49