一條帶…fit晒！
一直都好想買些簡單的健身器材，不過最怕就係阻地方，運動器材未必時時需要用，最好簡單而又慳位就最理想不過～
其實要做器械運動都唔難嘅，不過對於森伯伯來講，簡單就可以！又唔能夠太過劇烈，做些簡單的帶氧運動便可！所以之前都買過啞鈴仔練過，想練番手臂實少少兼且練力！其實最主要係郁吓好過唔郁咁啫…之後又發現原來都有幾多健身用品，簡單而又輕便，即使唔用的時候，收藏亦都好易！就是一些練力系列…
知道後一直都好想買，於是乎試買來玩玩，其實這些練力系列的產品都有幾多唔同的款式，主打都是練肌肉的力量，關節的屈伸等…
見人玩呢種練力帶又唔錯喎，而且感到力度可以自己控制，唔同的顏色代表唔同的拉力靭度，去買的時候，佢會畀你試下唔同的顏色，覺得適合的才買，所以親自去揀就有呢個好處…
我揀的是黃色，拉力屬於初練級（共有8級），當玩熟後可再升級！最高應該係金帶，聽金帶個名都知勁啦！！若然真係要練大隻的朋友，應該可以試吓金帶銀帶頭兩級…
包裝上都有用法介紹，你可以試吓每種練法！一條帶可以代替多種運動器械…
店員還教森伯一個清潔方法，呢種膠帶不能常用水洗，要清潔就要用爽身粉抹，這樣就會襟用些！！
由買來至今都玩了半年時間，覺得超唔錯！呢個我會推薦，最主要拉力可以揀適合自己，而且玩法多樣，基本上身體每處都可以因應返來鍛練，只是一條膠帶，練完要收起都好簡單唔阻地方，就算要帶它到公園、運動場練都唔難！所以對地方細的港人來講，要運動都一樣冇難度～
stellaluk
香港人缺乏耐性，我祝你成功！
版主回應
我冇目標話要達到什麼...只是簡簡單單運動吓!!
Gael
期待看看森兄的苦練成果XXD
版主回應
成篇博文我都冇講到苦練喎?!!XXXD
用呢條橡筋帶運動好輕鬆...
amour
適量運動，對任何人都重要。
kaka
呢種橡皮膠帶我有玩過，而家都好流行吓！
有多種玩法，而且方便攜帶，的確唔錯。
你用了半年時間...玩前有無留意吓膠帶有否
有小孔？如有小孔便要換新的了，因有小孔會一拉膠帶便會斷了，怕玩時會彈到自己。
玩前要check check膠帶先呀！
版主回應
呢種膠帶的好處就是無論在什麼地方，都可以拿出來運動，在工作的地方也可…
可能都仲新的，暫時未有發現小孔，都怕條帶唔襟，所以避免時時濕水，我平時用帶運動唔大動作，都應該安全…
下次用時我會注意！
新聞台Blog小天使
親愛的台長︰
恭喜您！此篇文章極為優質，獲選為本日哈燒文章，將會出現在新聞台首頁哈燒文章區塊輪播。請您繼續保持每日撰寫文章的好習慣，期待您提供讀者更多精采的內容，加油！
版主回應
謝謝新聞台小天使的支持！會繼續寫好博文~~
稍後會到哈燒文章區看看…
搞一爺
我好靜，後生時唔會特別安排乜野運動，反而上咗年紀有咗 36吋士啤呔後至驚覺身體正走下坡，有必要每周有定量運動，保持年青身軀。初時都好懶，有千百個理由唔願做架！排除萬難後至養成呢果良好習慣，我有決心可以做下去。
呢條橡筋帶我喺電視都見過職業治療師推介過，森仔真係識貨。
初級拉力已經可以滿足到強身健體嘅效果，森仔選得好啱，對於中、高級嘅負重運動我反而會有保留，因做運動好多時一不留神唔小心姿勢出錯就造成運動傷害，由其是我呢啲耆英，見好就收，好似投資咁唔玩大風險嘅。
版主回應
好多時, 後生都唔會刻意去顧及身體, 通常有得食就食有得玩就玩, 到漸大才會知道健康的重要~~我每日都會用些時間做些簡單的鍛練, 不過運動對咩人都重要, 都唔一定係我呢類長者嘅…
無論注意飲食, 運動都要有耐性恆心, 保持健康係持久戰繼續做落去啦!!
因為呢種橡筋帶用來運動都好安全, 對咩人都唔會造成創傷, 所以很多專業人士都會推介!!
係呀!! 做運動唔好勉強, 拉傷咗好大鑊~~總之一切小心!!
ohtria
呢個我都有.
版主回應
王子乜咁耐先嚟探森伯呀?!!!
當為輕中量運動,呢個唔錯!!
BIM
條帶似乎千變萬化，其實有時簡單器材加正當操練已經好有幫助，加上森兄更懂不同營養飲食，雙管齊下，希望狀態大勇，精神飽滿
版主回應
一帶在手,可以玩出多種練身花款,可以因應返不同部位的練習,練手瓜又得,淨係練習腰部, 腿肌又得,很多變化!!
你真係識講嘢,狀咩態大勇丫~~唔老態龍鍾都偷笑...XXD
白雪
我知道有呢種膠帶，因為冇朋友用過唔知好唔好，而家有你推薦就好有興趣，係邊度有得賣，價錢貴嗎?
版主回應
不妨買來玩玩,用過後你都會話唔錯!!你或者去些大型百貨公司有運動用品部那種...應該可以搵到~~我買的黃帶要八十多元,應該有些地方會平宜些少都唔定!!
ykk
這健森器材, 未見過, 可否講多少少點用呢?
版主回應
未見過?!!...應該唔會未見過卦~~
你試吓去youtube打 theraband 就睇到很多有關呢條帶點用!!
香港人缺乏耐性，我祝你成功！