2015-10-13 15:36:18森源
騙案時時有；今年特別多…
前幾日仲收到警方的短訊，呼籲大家要小心電話騙案…有時真係好唔明，到呢一刻鐘仲有人被騙，可能嗰啲人真係完全與世隔絕，冇開電視，冇聽收音機，冇睇報紙，冇出過街，完全冇意識被騙～～而且每單騙到的錢都唔嘢少！有時真係幾想join呢啲騙錢黨，啲錢咁易呃～XXD不過衰就衰在森伯唔識講大話～XXXXD
其實騙徒都好精，除咗電話之外仲會用其他途徑，所以幾時都要醒醒定定，唔好成為騙徒的目標，不過騙徒都好識揀目標，長者當然係首選啦！忽然間覺得騙徒係豺狼，班長者們就係小羔羊，任由宰割…哈哈哈
身為長者的森伯伯，又點會逃得過騙徒的目標對象呢？！…話時話唔知騙徒點樣可以取得咁多電話資料，到目前為止收過兩次擬似電話，第一次對方扮中聯辦，第二次對方扮銀行職員…不過到最後當然被眼仔碌碌兼且足智多謀的森伯伯識破啦！所以收到要錢的電話，真係要萬分小心！唔單止長者，後生的都一樣要注意～
所以老人家的說話幾時都係啱！做人行得正；企得正就唔需要怕，騙徒就係捉人性呢個弱點去騙財，所謂的心虛，就一定容易被人呃啦！！
我通常一睇到D九唔搭八嘅號碼就會立刻cut線！
版主回應
咁樣就係最醒目的做法!雖然有些生保號碼打嚟,但我都會接聽,可能對方有要事搵我,但講到唔對路就會cut線~~ 2015-10-15 14:52:04
雖然我冇眼仔碌碌嘅萬人迷森仔咁吸引人，但係，森仔唔好狗眼看人低，話我係一腳搭十船，我都算係百人迷架。哈哈！
版主回應
你一時又話森仔...眼仔碌碌嘅萬人迷!一時又話森仔係...狗眼~~駛唔駛咁一啖沙糖一啖乜呀?!!!哈哈多數電話用留言信箱,估你有啲蠱惑嘢!!而家補返句:你百人迷得嚟又專一!啱聽喇!!哈哈哈 2015-10-15 14:48:52
我都收過順豐速遞打嚟嘅電話，一聽就知係乜嘢事，即刻收線。