我哋認知就有水晶石，唔經唔覺森伯接觸咗晶石都已經有成7、8年，不過平時冇詳細去講，以前的網誌都有一欄講關於“森之晶石”不過就寫得唔多篇幅…

平時見到五顏六色的水晶，或待日後有機會再講，今次就講吓可以用在生活上的三種健康石頭…(圖片來自網絡)

砭    石

古時的人就是用砭石治病，以前藥品和治療器材唔多，所用的醫療藥品、用品都取自天然！砭、針、灸、藥…幾大醫術裡當中已經包括砭，砭指砭石，用於按壓穴位，例如刮痧之類～不過長期配帶亦可，聽聞話可以增加人體的微循環作用，達到體質平衡喎！

女媧石（五色石）

呢種石聽個名都知夠勁啦！已經知道呢種石在遠古時期已經形成，據聞話女媧石含遠紅外線，多用於穴位按摩以及配帶，我覺得呢種石除了對人體有用之外，它都有很高的觀賞價值，話明五色石都知色彩豐富，你見到唔會覺得似石頭，顏色花紋幾特別～～

麥飯石

相信好多人都聽過，麥飯石最主要作用是淨化水質，記得有次去金魚街問魚舖老闆有冇麥飯石賣，跟住老闆話賣晒未有貨…森諗：乜麥飯石咁好賣咩？！因為以前想放落魚缸淨化水質，的確若然家裡大，能夠放個小水缸，其實都可以放些麥飯石在內淨化水質，用來飲用食用等，應該唔錯…

其實以上的石頭，三樣都係用於淨化水質，家陣大家都覺得食水唔安全，呢三種石可能有幫助，而且它們的好處很多，再寫多幾篇都未必講得晒，有興趣可以網上搜料…以我覺得呢三種石頭，香港未必易搵尤其女媧石，幸好現在有淘佬個購物平台，要買都好易，而且呢三種石頭產量多，買到假貨機會唔太高所以價錢亦唔貴！

申報利益：以上三種石頭，我係持有砭石，覺得唔錯可以趁低吸納…XXD