2015-10-05 11:05:52森源
白色涼粉…
又係介紹健康食品的時間，個題目講到涼粉，好多人都會即時諗起黑色…但今趟要介紹呢種，就係透明白色兼且滑嘟嘟…
其實呢種白色涼粉就係蘆薈粒，一向都好想試食蘆薈，聽到很多資訊都話蘆薈好，通常都係外用多，但食用的蘆薈都同樣有益，之不過聽聞話蘆薈有好多種，但能夠食用的就只有幾種，所以在街買到的蘆薈葉，有時都唔知食唔食得！可能只作外用！真實又唔知邊種蘆薈可以食，信大牌子就最穩陣！！
今次就講吓食用蘆薈，據功效所講蘆薈有清肝熱、通便的功能，當然仲有很多到不能盡錄啦！而最主要蘆薈含膠質，可以補充身體的水份與治理體內的炎症等，至於外用的膠質，相信大部份人都知蘆薈凝膠啦！據聞可以搽紅腫兼消炎止痛，對於森伯來講當藥用，多過當護膚用嘞！不過未試過買，有次見到一大罌如果唔啱用就浪費了，所以有冇人試過好用就介紹畀森伯…
食咗之後森伯有冇靚仔咗？！我話有都呃你啦！XXD～只係當清吓腸胃應該唔錯！尤其過時過節食得多就最啱～
注：蘆薈雖然有益，但未必個個人都啱食，最好食用之前參看多些有關資訊！
冇防腐劑無色素食得安心,一定靚仔咗XXD
版主回應
森伯唔識講大話...實質冇靚仔到,心理就靚仔咗!!!!XXXD
2015-10-08 11:47:07
森老闆整番碗椰汁黑白凉粉（蘆薈凉粉）糖水畀我潤吓！
版主回應
椰汁＋涼粉＋蘆薈…我又未試過~~陣間搞到你肚仔痛就唔好啦!!!!哈哈哈
2015-10-07 09:16:07
森仔唔整蠱我放啲瀉藥落我嗰碗糖水度我就包保唔會出事，不過，我仲想加新鮮芒果、奇異果同火龍果落去一齊食，等我呢個耆英疴得路路暢通。
聽你的材料,都已經幻想到杯嘢好似雜果賓治,夏天飲最好!!有機會試吓整~~
乜你近排路路好唔暢通咩??... 2015-10-09 11:40:06