2015-09-08 10:28:10森源
攪出舊味道…
炎炎夏日就嚟要換個涼涼的秋日，夏天的特色就是有很多生果既經濟又當造，尤其瓜類，瓜果係夏日的天然消暑品，所以都食幾多…無法啦！森伯伯燥底，的確要些消暑品降吓溫～哈哈
大多數會揀早上食生果，因為又唔慣帶生果返公司lunch食…所以有機會早餐都食些生果，一向都會攪吓果糊送麵包，總之見到有咩生果適合都會攪攪（攪拌）…可能現今的人食太多無謂嘢，真正幫到身體的又實在太少，通常我哋會食生的，就多數係水果，若然打成果糊，除了可以清腸胃之外，亦對排毒有幫助～
今次就等森醫師推介一個生機飲食：芒果、蕉仔、鮮奶…三樣材料一齊放落攪拌機攪勻，可以放蜜糖，不過唔放都夠甜味！
一向攪果糊好少落奶，通常係芒果、蕉仔才會，但係搞完之後，發覺味道似曾相識喎！係好香的芒果奶味，呢種味應該係類似一種叫“鳳仙”雪條的味道！以前細個食雪條以為呢種味係人工造出來，原來用原食材都可以攪出呢個味道～～呢個真係森伯勁推介，當為一個天然甜品都唔錯！！！
製作呢個果糊都有注意事項：芒果要熟和甜，用皇帝蕉仔好過香蕉，若然想甜就落砂糖好過蜜糖（蜜糖較搶味），其實唔落糖都可以…
呢次真係無啦啦攪出一個舊味道，就算一個簡單的早餐都可以做到夠營養兼且好味道！！Sam Can…You Can!!!
阿伯唔識潮語會同社會脫節，快啲上網大搜查揾答案啦！
版主回應
你都識講阿伯啦～同社會脫節有幾奇？！仲話大搜查…我連問題係乜都唔知呀……哈哈 2015-09-15 09:18:24
乜你部壞鬼電動攪拌機自己識行識走啜枱性能咁差，普通嘅開制後攪動時都係企定定喺度，一定係部機有暗病想跳枱死，未攪出事前快啲掉咗佢買過部啦！我呢啲叫外靜內動嘅人肉攪拌機，出自優良品種，好有內涵，你都係識條鐵。
我都唔知係邊條鐵喎！咪即係唔識囉！不過，我識條毛，9牛1毛。
版主回應
我部爛鬼電動攪拌機買咗好耐，唔識郁都唔奇啦！佢唔係啜枱嗰種喎！基本上部機攪拌時要用隻手撳住個擊架！正式機不離手…哈哈未壞就唔會買新，森伯好慳家架！知你部人肉攪拌機有Ｑ嘜保証！唔知你嘅優良品種出自邊樹鄉下呢？！我真係未聽過識條鐵…識你個頭反而聽過……
XXD 2015-09-14 15:49:13
親愛的台長︰
恭喜您！此篇文章極為優質，獲選為本日哈燒文章，將會出現在新聞台首頁哈燒文章區塊輪播。請您繼續保持每日撰寫文章的好習慣，期待您提供讀者更多精采的內容，加油！