2015-09-04 10:56:14森源
又到中秋喇！！
最近都有少少感受到秋天已來到，清早都比較涼少少，其實都不足一個月就到中秋，真係話咁快就到！在香港商業主導，新曆年就講定農曆年…農曆年就講定復活節…暑假未完就已經要做月餅市場，到中秋就己經做定哈佬喂！！一年365日咁就過去…或者時間匆匆，未趕得及把握就已經溜走了～～
雖然倘有一段時間才中秋，但在身邊的一事一物已經告訴你就快到喇！呢排又好少去到大型商場睇，又唔知中秋有冇什麼出色的商場佈置，不過我覺得近幾年中秋都未必有大型裝飾，寧願將佈置費擺在聖誕新年…
一個商場內的少少中秋佈置～～
人大了，都已經沒有為節日預備那種雅興，細個都起碼會買個燈籠玩下！不過過時過節的心態，大人同細路都各有各唔同，各有各的歡樂吧！
氣氛係可以營造，一於今個中秋諗諗有冇咩可以預備！！我諗森伯都係買月餅，掛燈籠，冇咩新意嗰類…哈哈哈
月餅最鍾意食就係個漏晒黃油嘅平鹹蛋黃唔係貴貴嘅甜蓮蓉，切開揀最多蛋黃果嚿，其實鹹蛋街市買＄2個，1個月餅要＄40、50，呢啲係咪叫犯賤囉！
其實，食物無分貴賤，平野都好好食，最衰係領展令街市檔租太貴，攪到人冇啖好食。
版主回應
通常漏晒油的月餅,拍廣告會用~~食就唔會!!其實有很多應節食品,大多數都係啲平民化食材,本身唔貴,可能幾十年前月餅都唔貴,但現在見有市場,加埋宣傳費,月餅就變得貴貴!!森伯伯都年事已高,都唔敢食太多黃,所以買五仁月餅食好過啦!!
香港地,租金先係主導,影響晒我哋的命脈... 2015-09-08 10:13:22
有冇捻過自製番一個森頭喜好的免仔燈籠呢? 自畫森兄靚仔頭代替傳統兔子燈籠, 相信好得意!
版主回應
你咁講,反而想整個KK頭燈籠喎...相信呢個中秋會加添不少歡樂氣氛~~掛起樹上又得,掛起窗前亦得~~哈哈都唔會啦！！整太複雜的燈籠要技術!!! 2015-09-08 09:47:33
咁我祝森兄今年中秋可以有個新突破,就係同佳人花前月下賞月食月餅......^^
gael兄口中的佳人, 能夠咁有品味識花前月下食月餅!!
家陣真係冇幾多個~~哈哈
我就祝你中秋快樂,人月倆圓!! 2015-09-11 09:29:32