森伯出省…
如果冇咩特別事情，真係好少去香港嗰邊，查實每次出去香港過隧道都要塞一塞車，不過有時都可以半個鐘出到去，快咗好多～又估唔到可以快成咁！哈哈～
最主要今次出省是有要事，目的跟人傾傾合作事宜，其實又唔係咩大搞作，只是想捉緊一個小小的機會而已！
做創意的人，有人聯絡本應是很高興的事，之不過日子久了，你已經再冇嗰份熱誠再盼望任何東西，因為之前有更多都係“煲無米粥”（徒勞無功），你就會失去嗰份鬥心同信心…但即使係個小小的機會你都願姑且一試吧！總之用平常心去諗較為適當吧！
因為早早去到，約人又未夠鐘！就可以順便行行逛逛！可能自己習慣九龍新界，香港始終人多車多兼且路窄，完全明白點解香港區的樓價比九龍新界貴咁多！咁啱嗰個時候放食晏，所以好多白領出來四周覓食，可能商業區啦冇乜商場可以畀老人家歇腳，所以都唔想再逛什麼早點折返…
會過面後，才知要做好一件事，不論有冇結果，你先要再做多一點，雖然日常工作已經好攰，但我諗我可以應付！冇機會又話冇機會，當有機會就應該盡量把握，即使未能成就咩大業，當一份外快也好！因為很多事情係冇得預料…
amour
盡力而為，隨遇而安……
如心恕也
森伯出省，都好過出城啦……
其實做甚麼事都是付出多而回報少，總之用咗心就無需再諗了！
版主回應
如果出九龍城,都會話出城架!!哈哈哈~~
你講得好啱!!凡事自問盡過力就算,起碼對自己無愧於森吧!!
ykk
森兄, 你今次畢(完畢)省人事有冇結果, 是否成功了 ?
版主回應
今次唔係見工, 冇話成唔成功…
最主要反而講寄銷, 畫稿是其次咋~~
所以其後仲有功夫要做…
搞一爺
你厘個狀況係叫《謀事在人 成事在天》，講氣數嘅，催運咪要揾搞搞師傅出馬，喺財位放五個銅錢，寫字枱向偏南方放有水嘅綠葉植物，水生木，木生金，催強森仔財運，好過你依家dry 坐等運到。哈哈哈！
版主回應
乜一爺又識術數呢方面咩？！森伯只知自己五行欠水咋~~~
你過年都可以響廟街擺吓檔當Freelance都好喎!!!!
森伯邊樹有dry 坐等運到！！好積極架！！可能外人睇唔出啫~~~XXXXD
新聞台Blog小天使
親愛的台長︰
恭喜您！此篇文章極為優質，獲選為本日哈燒文章，將會出現在新聞台首頁哈燒文章區塊輪播。請您繼續保持每日撰寫文章的好習慣，期待您提供讀者更多精采的內容，加油！
版主回應
謝謝blog小天使的支持，會繼續寫好文章，希望您們日後仍多關注～稍後到本日哈燒文章區看看！
新聞台Blog小天使
親愛的台長︰
恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
版主回應
謝謝新聞台的支持，會繼續拍些精彩圖片，希望您們多加關注與鼓勵～稍後到熱門圖片區看看！
ykk
in glancing the heading,以為森兄出省相睇,anyway,今次出門都有得著,起碼目"島"一切,唔好以為九龍係香港. Finally, 祝森想事成！
版主回應
乜出省就係相睇?!!真係未聽過~~
當年KK兄就係出省跟KK嫂相睇??!!哈哈哈
都間中會出下香港,不過有事做才會~~多謝KK!!
Gael
其實好多嘢到頭來都係徒勞無功嘅,但最重要係盡過力,而且過程中有得著囉^^
版主回應
得的話就叫有得著,冇的話就係晒心機,捱眼訓咋~~~
不過盡過力就算!!
搞一爺
我喺度發噏風森仔都有回覆啦！更何況厘啲有希望嘅無米粥呢！有偈傾好過冇聲氣啦，依家仲有人賞識嘛！
版主回應
睇吓你喺度發噏風多一次,森仔都照樣覆你,都算唔話得嘞卦~~~哈哈哈哈
搞一爺
我喺度發噏風森仔都有回覆啦！更何況厘啲有希望嘅無米粥呢！有偈傾好過冇聲氣啦，依家仲有人賞識嘛！
版主回應
咁未到最後一刻都唔知係咪冇米粥嘅~~就即本看看如何囉!!
你講得啱架~~現今真心賞識已經很少聽到,商業社會樣樣講條件...
kaka
我住惯港島區，反而覺得九龍同新界的路好複雜同好難認！無論如何，有機會當然要捉緊喇！
版主回應
其實只是每個人的習慣問題，生活耐了就變得適應所處的環境～～
對呀！機會來到就唯有好好把握吧！！
盡力而為，隨遇而安……