2015-08-05 13:58:04森源
突然結業…
香港又有一間傢俬連鎖店結業，相信又係因經營困難、資金不足之類的問題，初時以為經營了冇耐，但原來呢間傢俬店都已經有18年咁長（唔知有冇聽錯！）～真係唔講唔覺！
話就話係傢俬店，其實咩貨品都有售，我反而認為係電器舖比較貼切，呢間舖所標榜的就是屋企所需的電器 傢具用品都一應俱全，唔需要周圍搵、周圍買，慳就慳好多時間，但又唔知所處的是香港，買乜都異常方便…若果要搬新居，搵傢俬電器都唔難，隨便捐入一個商場，就乜都能夠買齊，更何況港人一般好少咁買法，通常買一兩件就算！
呢間店開業了咁長日子，記得好早前只幫襯佢買過一個鬚刨仔咁大把咋！不過我覺得香港要做零售生意真係幾困難，租金貴而且處處有競爭，唔似外國可能方圓十里先有個市集，一間舖就已經可以獨攬成村人的生意…
一間舖要執笠，相信都有幾方面的苦主…等收貨的顧客…等出糧的員工…等找數的貨商～既然生意唔掂要周轉，平賣貨品都係辦法之一，所以都有幾多人去執平貨…
覺得呢間舖最成功的地方，反而係個廣告！！搵來TVB小生馬國明做代言，相信一講起呢間店都會即時諗起呢間公司嘅廣告！今趟可能真係要搵燈神幫手～～
現在警方拉人, 森表同情?!
版主回應
爭人周身債仲走佬...警方唔拉人先奇!!
2015-08-10 09:06:41
間o野有咗咁耐但係我冇乜印像.
版主回應
會唔會係你年紀太細,兼且外國住得耐,所以冇咩印象呀?!!
2015-08-10 09:05:02
呢間d電視好易壞，朋友話DSC，多數賣水貨!
所以若果買大型家電,都第一時間問佢有冇原廠保養!! 2015-08-17 09:25:51