大家都知喇，港人平時就有頭威，但到真正有事時就十分蛇龜，紛紛要買可濾鉛的過濾器！但自己都估唔到，香港都算大都會，連食水…喉管…都會出現問題！相信要換晒出事屋苑所有喉管都幾大工程！

通常唔報導就唔會有人關注，但一有，就個個屋苑都會攞水去驗，早前就有話屋企附近的屋苑都驗到有含鉛水，而自己屋苑就未知，可能要問吓管理處…

查實唔係呢單事的發生，有冇人會關注我們自己所飲的水呢？唔再長氣，相信大家都知森伯伯有留意開養生嘢！！衣食住行part part都有關注，當中又點會漏咗食水丫！講飲水都有很多學問，可能因為住在現今環境，飲用水的安全就更加值得我們留意，要講就可能要去榕樹頭慢慢講…XXXD大家唔駛驚…長話短說啦！嚴格來講水有分死水跟活水…死水指無活性的水，而活水就是含氧量極高的水，跟水的酸鹼度有關的，最最最健康的水就是無污染兼且不停流動的溪水，其次是無污染的井水…至於所謂死的水，就係無活性的蒸餾水，聽講唔可以用蒸餾水養魚種花，否則會花萎魚亡咁話！蒸餾水只可以作臨時止渴，唔可以長期飲用！森伯返工時都有自備私家水，已冇再飲蒸餾水lu…又唔知會否對身體有好的幫助，不過照顧身體同投資一樣，都係睇長線…