都好耐冇寫過兒時玩味呢個環節，發覺每次寫呢個題目，很多Blog友都好感興趣，畢竟兒時總有啲東西是十分難忘的！！

玩具...對於每個小朋友都曾經擁有過，可能家陣連大人都一樣擁有啦…當中包括你和我！其實諗諗森伯細個什麼玩具都有玩過，不過若然講起車仔，都有童年回憶，記得以前有位親戚送了很多小車給我們（同輩的小朋友），每人都分到十幾架小車，我們就用個鐵盒把小車裝起，鐵盒就變了個小型車房…當時玩呢啲車仔，都不外乎係鬥快，鬥推得遠之類…儘管稚嫰但也玩得開心！反觀今時今日，見到小甥仔也一樣喜歡玩車仔，雖然得嗰幾歲人仔（嚴格嚟講仲係BB階段）只要有架車仔在手，已經可以玩足半日！

講真人大了，真係甚少再睇玩具，除非要送東西給小朋友才會去睇睇，這架紅色車仔就是送給兒甥仔的玩具…

自己童年時都喜歡玩具車，好記得有款小巴模型的玩具車，細個時好鍾意架！時至今日都好似好多地方都見到，不過就冇買～～人老了，反而鍾情一些古古老老的甲蟲車，若果有森水的甲蟲車模型都會買，就好似呢部黃色的甲蟲車仔已經據為己有嘞！通常都係擺嘅，應該唔會當玩具…哈哈

記得童年都有部寶貝車時時拿上手玩，這部玩具車都有童年照為證，不過到現在回想，完全忘記了那部玩具車最後怎樣失掉？而它只能夠在照片以及回憶中存在…