‧咚咚…咚咚…咚咚…咚咚咚隆咚咚

一聽到呢首龍舟樂曲就知端陽佳節已經到，本來都冇諗寫端午節，實在時間過得太快，端午悄悄來到都完全唔知，話時話今年暫且都未見過糭的踪影，城門河更唔見以前的龍舟隊練習，或者只係時間唔啱睇唔到…

‧其實據番資料所講，端午節係個好悠久的節日，古時已經有！

而古代的端午習俗有：

‧家家會在家門前掛艾草、菖蒲…目的驅蟲。

‧因為時值五月，多蟲害所以百姓會燒中草藥、撒草藥粉驅瘟疫。

‧小朋友會掛香囊，大朋友會飲雄黃酒，目的都係驅除疾病之類…

‧特別在端午當日的水，會再加上草藥來浸身，話會延年益壽。

其實民間習俗仲有很多要講晒真係可以寫多幾篇 Blog! 但係又有幾多時至今日大家都有做呢?!!

‧不過有個習俗不妨玩玩，大家可以試下～據說中國南方及台灣有個端午立蛋的習俗，正日當日蛋或錢幣可以直立起來，若然立到的話，獎一年好運氣咁話…當然有科學解釋，同什麼氣場有關的！不過唔知生蛋定熟蛋？！

‧看端午的資料時，又畀我發現一個端午感人故事…

等森伯化身為榕樹頭講故佬先！

話說…古人認為端午節是「惡日」凡大的事情都唔會揀呢日，如果古時有五月初五生的小嬰孩都會視之為「不祥人」甚至有人把親骨肉棄掉…

節錄：《史記‧孟嘗君列傳》就記載五月五日出生的孟嘗君田文出生時，其父田嬰就想丟棄他，而他母親偷偷把他養大，他才得以長大成人…真係動人心弦的故事！！可見親情有幾可貴…

唔講咁多，森伯都要應吓節浸吓龍舟水先！！