2015-05-26 11:00:53森源
最近啲瑣碎森事…
未認真踏入夏季，已經感受到今年會水頭充足，呢幾日都不斷落大雨，而且仲時不時橫風橫雨…天聞台唔係掛紅雨，就掛黃雨…話時話，到而家都分唔清紅雨黃雨的強度分別？！好在又唔會造成返工放工時太大的不便，始終落雨都比較涼快少少，雨停了又會翳翳侷侷…望著窗外的大雨景，不其然諗起一首歌“冷雨”同車窗外的雨景有少許不謀而合…
一年時間，話快都可以好快，又到森爸的B-day！都唔需要再三思考，繼續都係以自助餐慶生，事實上食物來來去去也差唔多，不過今次又畀我發現有菜籽芽菜（類似油菜籽）！望落好似乾乾地，食落好濕潤好多水份又估唔到喎…相信都幾有益，成碟哽晒又有咩所謂…餐後森爸都大嘆年長了都唔食得太多，都係嗰句啦：一家人志在食得開心的氣氛就足夠！…對長輩們來講，我們（齊人）能夠團在一起食餐生日飯，已經感到無比愉快～
一年時間，話快都可以好快，又到森爸的B-day！都唔需要再三思考，繼續都係以自助餐慶生，事實上食物來來去去也差唔多，不過今次又畀我發現有菜籽芽菜（類似油菜籽）！望落好似乾乾地，食落好濕潤好多水份又估唔到喎…相信都幾有益，成碟哽晒又有咩所謂…餐後森爸都大嘆年長了都唔食得太多，都係嗰句啦：一家人志在食得開心的氣氛就足夠！…對長輩們來講，我們（齊人）能夠團在一起食餐生日飯，已經感到無比愉快～
對於森伯呢啲老人家嚟講，一潮潮濕濕就好怕周身酸痛，所以一啲活胳油呀…萬金油呀…驅風油呀是看門口之寶…因為好多時都唔會貿貿然買藥油來用，所以都會好膚淺咁信吓廣告，買到適合自己當然好啦！亦都買過唔啱用…丟去又實在浪費金錢…有日看到呢隻凝膠，看它介紹又唔錯，藥料取材天然的青口素，致於有冇效好睇用者本身，買一支唔啱用又會好浪費，既然佢有試用裝，一於要包試試，不過郵遞方便又好似緩慢咗少少…成兩個月後先收到～～一於試吓佢有冇神效咁啦！
每個人屋企都有唔少家品，時下家品都要好講創意，起碼特別少少都會惹人注目，多啲人去buy你的創意及製成品…有日見到呢個掛鈎，又幾有趣…而且又夠實用，可以攤開毛巾來掛，快吹乾之餘又唔會咁易漬爛條毛巾…我諗佢的創意是來自表情符號，因為有幾款其他表情…可能寫開網文啦！呢啲表情符號特別情有獨鍾…而且每日都會對住呢類家品，人的心情都輕鬆啲啦～～
遇上風濕.可試試保森安藥油呢!
版主回應
保心安藥油可以搽風濕嗎??!!有試過或是聽人講呢??呢類藥油屋企都有支...哈哈 2015-05-29 09:32:27
親愛的台長︰
恭喜您！此篇文章極為優質，獲選為本日哈燒文章，將會出現在新聞台首頁哈燒文章區塊輪播。請您繼續保持每日撰寫文章的好習慣，期待您提供讀者更多精采的內容，加油！
版主回應
多謝PChome新聞台常來支持森源的網誌,更幸得到本日哈燒文章啊!!!我會繼續努力撰寫多些文章,發掘更多有趣事寫下來,希望您們仍繼續多加注意~~謝 2015-05-28 09:27:01
哈哈! 掛毛巾都掛得開心過人, 童森未泯!
在此, 補祝森爸生日快樂!
多謝KK,代森爸說聲答謝~~~ 2015-05-29 09:36:09