其實好耐之前都想去圓方一行，聽講呢個大型商場很大，而且裡面劃分幾區…之不過冇森裝載的森伯，整整吓又冇咗件事～遲遲都未去！哈哈

今次都算在一個無意的機會下，可以順便遊遊圓方！正如自己的想法一樣，裡面很大，唔好以為講笑，傻傻憨的森伯都差啲蕩失路…XXXD！好彩商場裡面分幾區，靠佢的路牌先知認得身處邊個區…認真失禮晒～費事行行吓變咗失踪人口啦！！其實都唔駛怪自己，試問香港有邊間商場唔係一式一樣呢，毫無特色，行來行去都係嗰類店舖，迷失都唔出奇…

呢個商場既然主題為元素，當中一定離唔開五行，金、木、水、火、土…所以將商場的範圍分成幾區，行起嚟就會比較清楚…不過對於森伯嚟講，咪又係差唔多（擰晒頭～～）

呢度都唔錯，地方寬敞好行，而且又可以window shoppingXXD～對於森伯呢啲捉襟見肘的老人家嚟講，睇吓就滿足架嘞！因為裡面的店舖很多都是名店，當然貨品都唔會平啦！

相中的名錶數十萬一隻，真係好富貴吓！！

講開五行唔知又有冇人知道自己屬咩呢？！森伯好明顯係欠金水啦，影嚟影去都冇影到金區同水區～～XXD早知集齊晒五區的打卡相都好喎！！

來圓方除咗見識吓之外，仲有精彩節目在後頭…唔講咁多搭咗部升降電梯先…