我哋每日都有可能接觸到唔同嘅人，當中一定會包括大廈管理員（又稱：保安員、暱稱：實Q），他們的工作態度基本上都需要：勤力、盡責、有禮貌…呢啲都話明係基本啦！而我認為禮貌是首要的！但眼見都有些可以冇禮貌到跟住戶扯晒火對鬧…XXD，更見過一位保安員用粗聲粗氣的語氣，喝一位駕著車的住戶示意叫他泊車去另一邊…當然亦見過更甚的～～就咁聽落都覺得保安員的態度好有問題啦！！作為一個旁觀者都覺得離譜！而自己也曾遇過懶懶閒、冇禮貌、眼啤啤、大大聲等的保安…其實都好唔明白，做保安“基本禮貌”就是一定要有…即係等如做歌星唔識唱歌、做會計唔識計數一樣！而且家陣做服務性行業，禮貌是首要啦！

假如森伯有日做實Q，雖然唔敢話會唔會蛇吓王，但一定會好有禮貌！因為住客就等如米飯班主！點敢得失人呢！至於作為住戶我應該一定唔會同保安當面對罵，一定會靜靜雞寫封投訴信complain佢…哈哈哈

補充：以上當然不是一概而論啦～我都有遇過好好的保安員，正如我開頭講每個人對工作的熱誠都各有不同！