叮噹（多啦A夢）呢個唔講住，稍後的Blog都會講到…但係陪伴我哋呢一脫成長仲有好多其他的卡通，當中一定不能不提的日本動畫，而最深印象相信都係宮崎駿的動畫，但係要我數他製作的動畫，應該唔係太多，因為森伯唔算一個動畫迷，記得就有風之谷、天空之城、龍貓…真係相當之有限～所認得就係宮崎駿的畫風，一睇就知道係他的作品！

能夠做到國寶級的動畫大師，絕對唔簡單，睇到宮崎駿的動畫，好自然就會諗起日本，可能日本都係亞洲人的文化，所以細個喜歡日本卡通多過外國卡通，比較有共鳴…而宮崎駿的動畫，通常都會帶一啲訊息畀觀眾，所以睇他的動畫之餘，亦可以諗諗動畫故事背後有咩訊息給觀眾…

見到電影的大形宣傳廣告，就知將會又有新力作上映，相信一眾動畫迷又熱切期待，電影海報列出唔少經典作品，唔知大家又睇過幾多部？

註：雖然唔知邊位係高畑勳，但排名先過宮崎駿，都應該知係動畫界猛人啦！查過先知他是動畫電影製作人，代表作有很多，最為港人所熟悉包括有“再見螢火蟲”…一部幾煽情的卡通～