2015-03-23 15:00:20森源
全年，森氣勃勃…
時間日子過得好快，三月又去到月尾…可能自己屬於老一輩的長者啦！唔係太習慣用手機睇時間日期…點都要有個鐘、有個錶來睇下時間，至於日子都最好有張全年月曆紙，可以睇睇什麼時候做什麼事情…之前想要一張日曆卡都感到好難搵，記得以前銀行都會在年尾派年曆卡，到今時今刻好似又少了派卡，可能銀行認為現在冇呢個需要，因為一切都可以在手機睇到…但我認為座檯日曆點都要有個，方便睇吓日子、節日、假期等等都係需要嘅！
記得以前無無謂謂都有收藏每年的年曆卡…之不過儲儲吓發現近呢幾年冇乜，所以都停了再儲～不過世事總會自有安排，一係就冇，一有就大把…
今年在公司收到一盒月曆…冇聽錯，唔係一盒月餅，係一盒月曆…何解呢？！原來呢盒係一個種植包…內裡除咗有個全年月曆外，仲見到有種籽（小麥）、有泥、有個盆…又幾好玩喎！況且森伯都有養開植物，多盆亦唔算多，一於試吓種種～
其實個構思又幾有含意，象徵一年裡都生氣勃勃，睇住植物的生長，你就變得好在意時間日子的溜去…之不過植物（小麥草）生長的速度，仲快過我做嘢的速度……XXXXD不過不屑幾日就已經“亭亭玉立”lu…唔該生產商下次搵啲長得慢少少的植物得唔得呢？！！哈哈哈
做人總會心多多，每年的年頭總係有好多計劃想做，想實現…但可以全情投入去做又夠唔夠時間呢？！只怕到年紀老邁時，竟然一樣事情都沒有成就過…近排搵到一句說話講得幾好，佢話係哈佛名言：“Thought is already is late,exactly is the earliest time. 覺得為時已晚的時候，正是最早的時候。”或者冇分時候遲定早，總之當下的時間就係最佳的開始時間！…
祝森機盎然!
版主回應
唔錯～唔錯～謝謝
2015-03-30 16:05:19
標題話《全年，森氣勃勃》，我諗要食多啲蕃薯、蘿蔔、豆類……等等高纖維嘅有益食物喇，因為佢哋會搞到你成日 《勃勃》聲架，即係《勃勃》代表健康飲食嘅聲音。哈哈！
版主回應
可能因人而異咁啦~~我時時吔蕃薯豆類,又唔多覺得成日勃勃咁聲...唔通腸胃仲未通?!!一或森伯每次食完嘢,好似BB仔要搵人掃下風先至可以排氣...哈哈 2015-03-30 09:20:16
枱頭多一盆植,多一點生氣也不錯。
如果種得多, 都可以攪杯小麥草汁!! 2015-03-31 09:06:41