2015-03-05 12:13:08森源
扭出小人蛋…
話咁快，農曆新年過去了！都係收拾番個放假心情，好好去投入日常工作，日子飛咁快，一下子又來到三月份…唔係講笑時間真係霎下眼就過！潮潮濕濕的日子又來了…
今朝早已經感受到春之氣息，呢排望望周圍都已經有一陣陣霧，整個山上騰雲駕霧，非常仙境…呢個時候，又係蛇蟲鼠蟻出動的時候！大自然的時鐘真係神奇，家中的寵物龜冬眠完，都開始活動！令到森伯條大懶蟲都唔敢怠慢，都要積極起來！驚蟄除了對昆蟲有影響之外，但民間有個習俗都一樣唔講得少，之唔係一年一度打小人！我諗呢個活動係香港獨有卦，亦都被列為非物質文化之一！咁身為香港人又需唔需要應吓節咁呢…
有日經過扭蛋機，發現呢部機又幾有趣！所有東西都係打小人必備的工具，有小人紙，Q版白虎（點解黃色？）仲有一對神級小小人字拖…相信有咗呢啲工具幫手，小人自然速速行開啦！！細細地冇咁張揚，可以在公司檯打完小人先開工，又諗得幾周到喎！
可能今個農曆年太過接近驚蟄，個個口乖乖講完新年的祝福冇耐，就馬上變了要咒罵小人…真係搞到人格分裂XXXXD
其實要森伯列一個小人名單唔易，真正得罪森伯的人一律都會視之為無物，無一物又點會放在心裡呢？！所以無咩人值得森伯花錢去打小人，至於話你唔打人，人打你…咁我就唔知嘞！森伯平時溫文儒雅XXXXD好少得罪人…
可能今年要打破慣例，一於扭對小小人字拖，打吓小人應下節都好喎！
今晚亦係元宵佳節，古時會賞燈猜謎，相信現代人都冇呢種雅興，辛勤完一日後，個腦都實晒仲邊有腦力去猜燈謎呢！
森伯個人噤隨和又點會有小人，嗰對人字拖的的式式噤可愛，如果扭到用嚟做吊飾都幾得意，送俾意中心就更正，寓意有拖拍啦嘛。
版主回應
哈哈, 森伯有衰衰格的一面你又睇唔到呢…相信當中的小玩具, 最吸引人就係對小小人字拖, 可惜未必會咁啱扭到, 否則都會試下~~而家好多人都好虛榮, 送對小小人字拖畀意中人, 轉過頭就畀對真人字拖拍扁架嘞…XXXXD講笑啫!!相信"繪畫樂園"是個喜歡純真浪漫感情的人… 2015-03-19 11:02:22
有啲衰人真係好抵打，要揾人打鑊甘嘅！ 咁打法唔會犯上官非，心靈上有個喧洩嘅出口，平行吓，點都好過鬱到病，覺得舒服嘅又無傷害人出吓氣都無妨。
不招人妒是庸才，就算你係温文儒雅都會遇上小人排擠孤立啦！有時唔係你做對就相安無事架喎！
版主回應
咁講法，算森伯好好彩…冇咩遇到唔打唔得嘅衰人…不過日後唔排除有喎！其實認同打小人係以前的人用來發洩一吓，打過小人就心安理得都唔定…
你講得啱，可能森伯正正是個庸才，所以冇招到咩人妒忌咁啦！唔畀人排擠都自我孤立啦… 2015-03-10 09:32:38
有見到,但沒扭到,