2015-02-18 09:24:38森源
一帆風順@羊年…
今年農曆潤咗一個月，所以到呢個時候先過年，一向農曆年都比較凍今年又好似幾暖，真係有種大地回春的感覺！呢個月都幾多節日，先有情人節，仲有年三十又踏入大年初一，假期都有好幾日…今個假期又可放多一日，又唔錯喎！
今個過年自己就無咩應節習俗，都係簡單執拾一下當大掃除，自己認為著得到的衣物就唔會浪費，結果就買了新鞋新褲，不過係咪過年都要買架啦！唔知大家過年前又有咩習俗到今時今日都會守住呢？！
過年最重要都係餐團年飯，最應節都莫過於能夠安排在年三十做節…至於過年都不外乎食…食…食…以前的人日日都係青菜白飯，到過時過節一定食得豐富啦，至於而家啲人日日都大魚大肉，食嘢真係要節制一吓！到過完年後，搞到肥腫難分就唔好啦！哈哈
中國人都好講意頭，大桔跟吉字同音，所以年吉就唔少得～寓意來年事事吉利！樣樣事情都變得好，呢樣就最為重要啦！
另一個我自己就好喜歡的成語，就係一帆風順，無論遇到好事唔好事也好，都能夠順利渡過，當中的枝節都唔成問題，仍然能夠拉起帆桿，迎風而上一路航行…所以自己就買了一個帆船擺設，相當有意思！（並不是相中的金帆船，我又冇資格做土豪…XXD）
在此！森Blog就祝各位Blog老友記兼自己，羊年大吉大利，吉事連連，順風順水，金光閃閃，金銀滿屋，真真正正做個港產土豪！！…壓軸呢句至希望～哈哈哈
祝森兄身體健康，從心所欲，羊羊得意，工作順利
版主回應
好多謝BIM兄...我都祝你今年勝舊年,身體健康,煩事除去迎接開心事!! 2015-02-22 22:26:00
新年快樂！
祝你身體健康！萬事如意！
版主回應
多謝KaKa都祝你新年快樂,繼續遊埠好心情~~~~ 2015-02-22 22:22:21
森兄食極唔肥應該不怕肥腫難分吧XXD
咁我都祝森兄大吉大利一帆風順快快趣趣催旺個桃花位明年有利是派畀我kakakaka....
想收利是?!…單憑gael兄啲說話好似 ”寒” 啲喎?!!XXD
要派利是隨時都可以架啦!!!
而家啲人派利是都唔一定結咗婚先可以派……嘻嘻 2015-02-24 08:38:41