講理想唔難，但要真真正正做起來又未必咁易！所謂知易行難，就係咁樣～

正好一句：時間唔等人，所以趁仲可以做的時候，就要把握～～呢句說話我相信大家都唔會異議！

較早前曾跟一個代銷商聯絡，之後她們都有回覆！看她們都有意代銷我的product（在Blog唔作深入講述…見諒！）本應都開心，既可代銷之餘亦可多個宣傳渠道！通常正規門路的代銷商，都一定要有商業登記的貨品才可合法代銷！…此話一出，便立即去搜尋更多資料，我亦了解唔少…其實問題唔在於今次的代銷機會，而係一登記了，就要正正式式做好去，如果當玩玩吓，就無謂浪費登記費啦…假若要成為一項生意，就要認認真真去做，亦要認認真真考慮…product的質素，入貨出貨的問題…一連串的問題縈繞在腦海裡，的確使人躊躇不決…（忽然覺得森伯的修辭技巧進步咗…XXXD），最好都係問吓身邊人們的意見，因為佢地比較清楚我做啲乜嘛！！暫時呢個時候，除咗講never give up～都唔知講乜lu……….

同場講吓生日飯…

現在通街都係食肆，香港地的食肆真係唔休做！雖然到處有得食，但亦未必合你心意同胃口架喎！所以今年森媽的生日，就決定去食自助餐慶生嘞！起碼可以任揀鍾意食的嚟食～森媽始終鍾情某酒店的Buffet，當然個個都贊成啦！一於再去～～

其實森媽今個生日，對森伯來講有兩個第一次……

森伯每次見人食生蠔都會食到津津有味，而生蠔又係咪咁好味呢？經同檯的引誘下，森伯都要來個第一次…

結論：正所謂人一世物一世，好多嘢食過就算架啦～哈哈哈

唔係年年都搵到啱送的禮物畀森媽，今年就買咗部數碼收音機當生日禮物…其實聽了數碼廣播都有好幾年，今次算是第一次接觸咩係數碼電台，我諗森媽都會啱聽！

畢竟當日一家人開開心心為森媽慶祝～～