2014-12-21 21:01:14森源
過時過節2014…
一到年尾節日特別多,除咗有聖誕之外,冬至都好重要…又唔知大家食咗冬至飯未?!!到冬至好應該係最凍的時候,今年真係幾凍下!有人講香港的冬天都未至於落雪,所以凍極都有個譜!又啱!香港凍到十令度大家都已經受唔住,若然落雪就更加……香港的溫度,對外國人就啱啱好,但港人都要著到成隻粽!哈哈
次次做節去酒樓都係有種被搵笨的感覺,所以今趟就揀食自助餐!一向唔想太多人,反而靜靜地仲好啦!查實做節飯都係各適其式,今年仲聽到有人話母親會整做節飯,的確好溫馨!至於外出食又會有氣氛,比較熱鬧~~
個場真係夠晒浪漫情調,柔和的燈光反而想訓覺…XXXD
今次可以揀個好位置,可能客人唔太多,可以揀吓檯…初時又以為近水樓台,食到新鮮熱辣的食物,點知樣樣都好似冷盤…可能亦同天氣凍有關!同場亦見到很多人在這裡食做節飯,一家大細有長者有後生…大家飯後都覺得今餐算OK咁啦~老套講句:食咩唔重要,一齊開開心心食先係重點!!
冬至過後又到聖誕,所以同場都有很多聖誕氣氛,聖誕除咗可以講聖誕快樂之外,仲可以用心感受吓聖誕的歡樂…
順便祝各位無論在冬至日、聖誕夜、新曆年…時時都心情靚,樣貌就日日靚!我諗呢個祝願個個都啱聽卦!!
有親人自遠方來,所以明日(冬至正日)又有一餐做節飯食,而且仲係由森媽煮理~~yeah!!!
熊仔
2014-12-25 22:20:47
見到博兄幫我問候吓佢,唔該!! 2014-12-29 10:26:40
森仔... Merry X'mas & Happy New Year
版主回應
熊囡,我都祝你新年進步,身體健康~~見到博兄幫我問候吓佢,唔該!! 2014-12-29 10:26:40
在家食冬至飯最溫馨~~GOOD