2014-12-15 16:16:25森源
今個聖誕不太“懶”！
Long Vacation…
其實話長…都直情唔算長啦…個假期！計埋都有十日差唔多，所以算唔多！之不過最重要就係嗰種放假前夕的心情嘛！本應放假好應該休息為基本！但係生為勞碌命的森伯，又點捨得安享晚年呢？！哈哈哈哈…
其實話長…都直情唔算長啦…個假期！計埋都有十日差唔多，所以算唔多！之不過最重要就係嗰種放假前夕的心情嘛！本應放假好應該休息為基本！但係生為勞碌命的森伯，又點捨得安享晚年呢？！哈哈哈哈…
入冬三寶…
呢排可能凍的關係，睡眠質素都下降，所以成日都好似唔夠訓～咁啱放假就可以唔使咁早起身…人哋就抖暑，森伯就抖寒！至於老人三寶，其中兩寶頸巾同暖風機就已經出場，爭在平安鐘未校啫！…唔好話森伯誇張，太凍對風濕骨痛都麻麻地，所以一切以保暖為上！話時話，天時凍凍地先至有過時過節氣氛，起碼聖誕似返聖誕～
唯一氣氛…
呢棵聖誕花都幾得意，原來聖誕花擺完聖誕後，再下一年都依舊會出花，呢盆就係！！初時以為冇人打理，相信同事們不停有為它加水…殊不知今年又生得靚靚，睇怕呢棵聖誕花都係office今年的唯一氣氛～
如果話人係一本字典，相信在森伯的字典裡都搵唔到“懶”呢個字，雖然“型英帥靚正”都搵唔到…XXXD～但係“懶”字應該唔可能出現！希望今個假期可以攞個平衡，實在得嚟又唔駛太疲累，點都要keep番個狀態來迎接2015新年！
先祝大家聖誕快樂，假期時候森blog都會抖抖！出blog巡blog就隨「森」意咁啦！！
啱啱今天收到友人寄來的聖誕卡和禮物，謝謝！希望大家能夠有歡歡樂樂的氣氛享受呢個節日！！
森伯聖誕抖抖,天氣凍,保重身體呀, 祝森伯過一個快樂聖誕!!聖誕花真係好靚!!聖誕花難唔難種的?
版主回應
多謝你關心呀!!趁今個假期可以抖抖唔錯~~天氣凍大家都要保重身體,好易感冒傷風~~呢棵聖誕花好靚,不過唔係我種,應該都係間中施肥和淋水...
我都祝你有個開心的聖誕和豐收的2014...展望來年更順暢~~ 2014-12-21 20:40:22
森仔仲有冇見豬仔呀 ? 失去聯絡啦..
版主回應
熊仔,你真係好長情...豬仔在雅虎blog年代已經失去聯絡~我覺得佢要出現幾時都可以,視乎佢有冇心出現啫!!好幸運認識到熊女,現世代真正有心的人唔多~~ 2014-12-21 20:34:44
森兄一定好落力施肥XXD
下次請留心睇blog!!哈哈哈
初時以為冇人打理，相信同事們不停有為它加水… 2014-12-24 14:47:09