2014-12-09 15:43:09森源
嚇窒老外…
其實香港地都算什麼都有得食，就算一啲奇怪嘢都可以食到，記得早前網上瘋傳一張急凍乳豬相…雖然乳豬就冇咩特別，但令人驚訝就係一間有名的超市，竟然把乳豬全體當一般凍肉賣，見到相片都已經夠晒驚嚇…不過照樣有人會買，可能買來BBQ啦！所以話當你見到一塊塊肉在肉檔就唔覺係咩，感覺只是一樣貨品，但係當一隻動物的屍骸放到你面前，你就會覺得係一個（完結了的）生命體…當然最後嗰張相畀網友鬧爆啦！
始終唔同地方，就有唔同的飲食文化！有時都好難想像有啲外國地方的人會食兔仔肉，食袋鼠肉…同樣地外國人都好難想像中國人會吃蛇、蛤蚧、田雞…甚至現在有菜館炮製孔雀肉…唔食慣的食物就覺得奇特，可能在當地人眼中只是見怪不怪！
現在超市為迎合啲又懶懶地…又想煲啖靚湯的人，準備晒一啲現成的煲湯料，本來都冇咩留意，但有次見到，乜呢啲都有得賣？對我地來講，鱷魚肉又有咩特別？！可能大把Blog友都品嚐過啦！大鄉里的森伯雖然未食過，但係都知鱷魚肉係醫治哮喘，至於…龜板望到都驚驚地，乜唔係鬍鬚老闆攞嚟做龜苓膏咩?!!隻龜應該幾大隻！自己都有養龜，已經當龜係寵物看待…據我所知，食龜板都係想解熱毒，其實都有好多替代品（藥材）可以食用…
左一包龜板湯，右一包鱷魚湯，老外見到會唔會覺得…乜班HongKongese呢啲都食架？！…哈哈
我記得個隻喺唐狗黎,大定細...就唔記得,
總之喺好殘忍囉!! :(e
版主回應
通常做狗肉的都係唐狗…養慣養熟的狗，佢地又敢劏又敢食!!!恐怖~~
2014-12-15 16:43:49
太古怪嘅嘢我都唔想放入口，不想自己條食物鍊有太多其他動物加入。
原來森兄有養龜嘅，是巴西龜嗎？
版主回應
認同！選擇食物也不想太古怪，我認為簡單的食物，比較易於我哋身體機能的消化及吸收～～不是巴西龜，巴西龜長大後會幾大隻…我養的是非洲側頸龜～ 2014-12-15 16:43:16
我都食龜苓膏^^
好以話龜苓膏冇龜的成份~~ 2014-12-24 15:12:20