2014-11-12 13:56:11森源
生活「森」禪
話時話，都已經好耐冇行過圖書館借書，間中行下不過就冇書啱睇…今次再去又發覺原來好多形式已經電子化，要借書還書就方便得多～可能張圖書証實在封塵太耐，仲差點以為張証已經過期，有人話張証唔會過期擺幾耐都可以用！唔緊要，冇証都照樣可以借書，咁啱同行有就一於借啲書睇下！
有用的參考書要借，而另一本就係講生活哲理…反而幾喜歡呢類書，簡單易明，最緊要就係有冇令人開竅的內容…
睇完都係麻麻地，可能跟想像中有出入…不過有篇我認為唔錯，可以跟大家分享下：
放 空
坎坷一項項；壓力一回回，一心心疲勞；一身身倦容
思維閉塞，氣滯血固真要命；效率瓶頸，突破無章真洩氣
悠遊放空，隨著自然和風；越山林聞百花，徜徉在小溪旁；洗浴在河澗中
忘了塵囂；活化細胞一片天，走出室外覓思源；踏進室內作創意
心靈休閑；催化了快樂園地。
筆者以詩詞為主體，所以要解釋作者在詩中的意思：
詩 意
身體勞倦，很苦，心靈疲勞，更苦。
身心俱疲，心理與生理都容易生病。
為了健康，為了智慧之成長，莫不以“休閒”為上策。
放空就是讓心裡的厭煩，拋置腦後，而“休閒”才能放空。
放空之後，恢復了思考能力，增益了創意的智慧。
有智慧與能力的人，才能建造快樂園地，過著令人羨慕的幸福生活。
一頁一篇，唔會太累贅，喜歡睇小品形式的應該會啱睇！書名：《生活心禪》作者：洪躍通博士！有興趣可以找來看看～
講到放空，心裡的放空先至為最重要，心裡騰出更多空間，人才算真正的自在！
至於行為上的放空！對某些人來講…消費都係一個最佳放空自己的方法！！人放空之餘，荷包同樣放空，不過…最弊森伯個荷包唔放都空呢～～
森空廣闊, 圖書滿載!
版主回應
只係幾本圖書...何來滿載呢？！哈哈
2014-11-17 12:02:58
《洗浴在河澗中》呢點真係做唔出，警察會拉人，乜你咁 open 架！ 我都係放棄喇！
版主回應
哈哈哈我諗作者所謂的「洗浴」同「洗滌心靈」同一意思，並不是攞晒毛巾，沐浴露…赤條條在河澗沖涼，呢個天時好易冷親個肺仔… 2014-11-17 09:10:37
如果連空也不在乎，那......