2014-11-06 09:28:37森源
多乜餘…
有日上班的途中，見到算係幾無謂的通識德育堂…
話說附近有間國際學校，仲有些公園仔、草地…那日就見到一班學生仔在草地上幫手執垃圾，睇落又幾好，教下小朋友保護環境，正當想竪起姆指之際…再睇真啲，真係火都嚟！你哋知森伯平時有幾燥架啦～XXXD
因為他們會用手執垃圾（大多數是枯葉），他們基於衛生問題，每人都要戴一對勞工手套（雪白新手套），再者要用個大大的膠袋裝垃圾…眼見垃圾就唔多，其實所有小朋友用一個膠袋都已經足夠，最誇就係一人一個，行到邊執到邊…愛護環境其實同環保道理一樣，盡量少用即棄用品，我認為…小朋友可以用拾物鉗夾起垃圾，唔需要用手掂到垃圾，清洗完第二班可以循環再用，就唔需要浪費手套！跟住就係大的垃圾袋，可以用一個塑膠垃圾桶代替，放完垃圾後可以清洗再用…他們只係清理少少垃圾，卻製造更多的無謂即棄廢物，你話幾多餘呢？！當然唔關班小朋友事，應該要罰個外籍Miss一個小過先啱～XXXXD
有好多時，事情外表睇去很有意義，但實質做起來的助力卻唔大，反而製造更多麻煩問題，呢件事畀我啟發到少少的人生哲理。
越簡樸嘅生活方式，可為環保出一分力呀！
版主回應
對啦!!簡單的生活,不求太多的物質...就已經是環保第一步~~
2014-11-10 08:55:25
世界上最不環保是生產環保紙張.
所以世上只有gesture,不是實際.
版主回應
越講環保的國家,就越生產多廢棄物...對呀~環保講心,,唔係流於表面~~ 2014-11-10 08:53:57
今天看了一輯圖文, 有關西方講一套,做一套...
看見丹麥每年大量獵殺鯨魚, 另整個海灘的海水變紅...
獵殺鯨魚是好殘忍的工作,日本都話有限制的捕殺,丹麥有冇限制就唔知... 2014-11-10 13:49:55