2014-10-31 19:38:20森源
健康！由個包講起…
自己食早餐一向變化唔多，麵包就成為主糧，我諗好多人都係咁啦！始終有澱粉質落肚個人都襟飽啲，我住嗰區都已經有好多麵包舖，差唔多行幾步就有一間，雖然包舖多，但內裡的麵包來來去去差唔多，冇咩特別…
平日食早餐好求其，若果有時間的話，通常會整杯至營飲品，至營飲品都好隨意，有咩水果就搞咩水果，我認為用來佐麵包唔錯！而且易吸收又可以補充維他命C亦唔會浪費當中的纖維！
一杯鮮嫩的果品，加多個五穀包…在長者森的生活裡並不感到陌生～～ＸＸＸＤ
一向對超市麵包都冇好感，不過就買得方便，放工後都可以順道買回家！睇到選擇都唔算少，見到有個五穀粗糧包唔錯！一試又無妨…殊不知佢又有幾多料，裡與外都好足五穀顆粒，而且麵包亦發得唔錯（似用酵母發），令我改觀！以超市麵包來講都算唔錯，這裡有類似做餅師傅及焗爐，可以即焗即賣…所謂嘅出爐麵包夠新鮮！
一杯鮮嫩的果品，加多個五穀包…在長者森的生活裡並不感到陌生～～ＸＸＸＤ
一向對超市麵包都冇好感，不過就買得方便，放工後都可以順道買回家！睇到選擇都唔算少，見到有個五穀粗糧包唔錯！一試又無妨…殊不知佢又有幾多料，裡與外都好足五穀顆粒，而且麵包亦發得唔錯（似用酵母發），令我改觀！以超市麵包來講都算唔錯，這裡有類似做餅師傅及焗爐，可以即焗即賣…所謂嘅出爐麵包夠新鮮！
自從學識“講究”飲食之後，都少食白麵包！而有穀包就成為森伯的揀手貨！
總算簡簡單單又一個早餐～～
森兄，自回新西蘭後，這麼多年來，我相信吃的高纖麵包比我在港時不知要多了多少倍。雖然不好吃，但對腸胃真的很好，所以從無間斷，就算離家到其他城市旅行，我也多會來吃的…
年紀大了，一切都以健康為上，對嗎？
版主回應
外國的高纖麵包多用酵母發，發出來的麵包就會好硬，我做的饅頭又硬又實，如果用這樣做法，未必適合港人的胃口～不過每樣食物都係講習慣，習慣了又會冇問題，只要話健康養生，很多人都會試試…當然對啦！其實唔一定年紀大，就算年青的人都應該以健康為上！ 2014-11-06 09:19:21
我最喜歡方包做三文治,又或者做下pizza多士,反而無剩食麵包...不過森伯個五穀麵包又好似幾唔錯咁,會唔會無味道呢...^^ 近排因為趕著上架,忙著包裝自己的手作仔,
又要開工,很累,少左留言比森伯... 呢家終於有時間來森伯處了XD
版主回應
唔緊要！做完緊要工作再嚟探老人家…我都喜歡食三文治，試過放塊芝士在包上，加熱後芝士熔了，就會好似pizza，好正架！個五穀包有味道，因為佢有芝麻花生，都幾香口！
稍後一定要去你blog參觀下你啲手作仔～ 2014-11-05 09:49:40
乳酪有很多味道，不妨一試，有些不酸的。