2014-10-27 14:48:06森源
型爆蠍子王！
好多謝各位的寶貴意見，截至目前為止得出的結果是B = 6；D = 2；E = 1…好明顯認為選B.一切照舊的blog友佔大多數，講真呢個結果的確有啲估唔到～我仲以為大眾會揀A…哈哈哈哈！講笑…我以為大眾會叫我跟大隊用Google blog，殊不知搞咁細壇嘢，都係還原基本步！不過也好，呢度版面唔錯因為有廣告的加插，版面豐富生動得多…
入正題…
其實唔知大家知唔知道，有些動物形似昆蟲，其實牠們都唔屬於昆蟲類，即時想到就是蜘蛛，而另一種就是蠍子…蠍子畀人感覺都係走型格路線，一聽蠍子王就知係──一個「型」字！就算冇台型都起碼有身型喇！形容人又靚又狠，多數會講蛇蠍美人…而蠍子又係唔係咁狠毒呢？基本上蠍子都係保護自己先裝腔作勢啫，通常見到越型仔的蠍子就會越唔毒，反而身型小小，顏色又淡淡的先至最毒，但係真正見到蠍子都會有種望而生畏的感覺！！
相中的蠍子是模型，以真實比例模擬，都幾可亂真！本身都渴望想買隻蠍子模型，但唔易搵，點知有日好巧合下在某間圖書館內的精品店搵到，佢本身有其他昆蟲的3D模型，獨角仙都有幾種，我當然揀蠍子啦！！原本有個膠殼包住，拆出來就係3D的散件，頭頭尾尾手手腳腳都要重新組合，砌完都有少少滿足感！哈哈哈哈！唔好以為虛構模型，佢本身就係跟真正的蠍子比例，名稱帝王蠍又名雨林蠍子，因為有型所以多數做寵物，兼且無乜毒……
記得有次去旺角魚街，見到有呢種蠍子賣，當時都有考慮過一陣子，最後都冇買，怕走失在家裡，唔知邊度搵返！最主要驚佢會針人，後來先知呢種蠍子無毒！最終寧願買隻模型擺吓就算！！
另我想起椒鹽瀨尿蝦.
版主回應
印象中好似未食過瀨尿蝦......
2014-11-03 09:12:35
Miss 0左你生日添... 補祝生日快樂