畀個意見！！
時間真係過得好快，唔覺唔覺返嚟PChome寫Blog又一年，記得上年Y-Blog關閉後又再轉戰歸來…仲記得重寫第一篇“載譽歸來”！！其實覺得呢度都唔錯，可以自成一格，有時覺得越多人用的blog平台，就越快打柴！反而人少少，運作比較暢順，個平台都可以長長壽壽繼續使用！而且覺得PChome呢度有專重個人版權，在內所有圖文，你都可以定為不可取錄，所以放在這裡的一圖一字都唔會畀人下載，其他blog平台又好似冇呢項功能，包括以前Y-blog…而家好多人上網已經唔一定對住部PC、notebook…好多時都係用手機、平板上網…我之前都試過用部平板上PChome，結果得個文字版…原來要下載PChome App 就可睇到如PC的完整版！因為我唔知道大家能否清楚上到嚟睇森blog兼且可以順利留言，因之前唔止一位Blog友反映過…所以都希望大家畀下意見，有見及此就唯有想出以下對策。
請選擇…
A. 森伯年紀大，退休Blog界算啦!!!!
B. 一切照舊，打C罷就！
C. 想繼續寫blog，不過會以隱藏形式寫…
D. 用Google blog寫，不過唔會有靚仔相擺出嚟！ XXXXXXXXD
E. 無乜意見~~~~~
因為唔知大家慣常用什麼來上網，或者上來森blog會做成不便！所以整個小小的意見調查，希望大家＜認真＞畀意見…無論你係森伯嘅資深blog友，一或是路人甲乙丙（當然有睇開森blog啦）都可以畀意見架！！
最近一早一晚都比較清涼，收工時已經開始入夜，晴空中呈現淡淡的雲彩，這種意境已經十分舒服，可以讓這一刻的身心平靜放鬆！或者來個小睡就最寫意不過～～
收取意見至禮拜尾>>>>>>>>
Time Is Changing
BBBBBBBBBBBBBBBBBBBBBBBB
版主回應
雖然投票已截止,不過都好多謝你的意見~~
哈哈,原來咁多人想我留返呢度!!!
愚
B
amour
我是用PC看的，也沒甚麼不便！
版主回應
哦！！用PC看，應該冇咩問題…那就好了！（B）
kaka
雖然唔喺時常留言，但...你D文章有經常睇架！
E.無乜意見！
版主回應
多謝你經常睇, 經常支持, 以後就要多啲嚟留言嘞…
謝謝意見……（E）
如心恕也
用甚麼形式寫Blog 或回應其實都冇所謂，而係我覺得網站設計要簡單，不需耗太多資源，簡而之是用平價機也能𣈱順觀看及回覆，那就是我之所願！
現時的Google 做得太複雜兼要多記憶體，而我用的Apple 機也見不得好，ISO 的兼受性常常也今當機，一句講哂…
被人控制冇計！
版主回應
我都認同個人網誌以簡單為主最好，你見我放相都唔太多，唔想加重免費平台負擔，最主要可能有其他電子產品不能看，所以就這樣問問大家…照計Apple機性能唔差，佢唔係行windows！一般用開的模式佢未必運作得好好，而家有很多軟件都係一個PC版,一個Mac版, 而家我用PC就唔覺有什麼??!!
………（B）
kammy
謝謝森伯追看XD 每個人心裡都會有一片天, 只要不忘記, 任何人任何時間都可以嘗試打開這片天窗, 我也只是嘗試中~ 謝謝森伯支持~^^~
版主回應
其實都幾喜歡睇一些blog可以講下為一個目標，而去做各樣事情達成…從中可以感受下當事人的心情兼且有什麼可以畀我借鏡……
有時講理想，不是坐著空想就可以！在當下的這一刻就要做些事…因為時間唔等人…
Stella
我用手機睇，早晚回覆一定用桌面電腦。
支持你繼續寫網誌分享生活點滴。
我寫網誌記錄記錄生活點滴有心靈記托。
他朝痴呆來訪，我可以在博文找尋昔日自己。
也為子女留下所謂「文化遺產」喔！！！！
版主回應
用桌面電腦較穩定, 應該好多網頁都支援到~~
我會寫不過唔知用邊個平台而已, 最主要希望各位睇得方便…
每個人寫網誌都有唔同目的, 你目的很實在, 可以畀自己將來睇返
之不過好似之前的y-blog…話完就完, 無得保留~~~ (B)
搞一爺
我用平板，初初唔識用留唔倒言，要攪一輪唔知點解咁好彩又得番，如果攪唔通我都無法子聯絡到。想多啲朋友就D啦！
版主回應
咁你真係好彩, 我部平板都冇攪佢, 用返PC上來留言~~哈哈哈
google blog好似以前的Y-blog, 好多港人用！……（D）
ohtria
我用PC睇架.
版主回應
勁喎!!你效率超超快~~以為你有平板隨行…
仲可以坐定定用PC睇?!!@@……（B）
kammy
呢家都ok呀~ 我覺得唔麻煩呀~森伯要繼續寫blog,因為森伯d文章好多都好有趣,值得睇呢^^
版主回應
因為唔知其他blog友有否遇到問題！若果冇咩問題就好了！
都想繼續寫，可以遇到有理想去創造自己一片天空的blog友就……不多！
你的blog, 我會追看的……總相信有心的, 事會成！…….（B）
Gael
BCD都無所謂,一樣support森兄^^
當然如果有靚仔相就like多幾嘢kakakakaka
天氣涼了森兄收工要帶件風褸
版主回應
如果真係轉做隱藏形式寫blog, 那時候gael都未必support到…
最主要就是來睇blog的朋友們, 唔想做成他們麻煩…
多謝gael的溫馨提示, 公司冷氣比較凍風褸常備一件…反而外邊仲未好冷~~
ykk
梗係plan D 喇.
不過,如果森唔想麻煩,咪用番plan B o羅!
版主回應
所以想收集各位意見才決定……
咁KK的意見係………（D）
ykk
BD意見! 就BD喇 :)
版主回應
咁即係?!!...
用番呢邊定google嗰邊呢?!!
BBBBBBBBBBBBBBBBBBBBBBBB
哈哈,原來咁多人想我留返呢度!!! 2014-11-03 09:10:10