2014-10-03 10:35:48森源
都市中的藝術…
一向都有聽開，香港係文化沙漠…即是話普羅大眾的港人對文化藝術都唔多關注！可能香港地本身就係華洋共處的地方，所以冇了自己的本土特色，當然香港獨有的文化特色梗有嘅！不過頂多是港人自己知道的集體回憶而已，而家好多商場都加了很多藝術元素在當中，不過以一般港人入到商場都係掛住shopping、食嘢、影相…根本未必會停下來慢慢欣賞一下藝術作品，而藝術就變了裝飾點綴…
有些人或許認為藝術品只是可有可無的東西！而家中稱得上藝術的東西又有幾多呢？一幅畫作唔會阻太多地方，但又有幾多人家中會掛畫呢？
記得有句說話：無肉令人瘦；無竹令人俗！因為竹有秀氣，而擺放竹都會令到環境氣氛顯得清秀脫俗！跟藝術有點異曲同工…
有日見到呢兩幅作品，雖然唔明畫中意思，當作抽象畫來欣賞！
若然你感到生活單調，都可以試下在家中掛一、兩幅自己喜歡的畫作來點綴，或者擺些自己喜歡的藝術擺設…可能有意想不到的效果！！
我都有掛畫和有竹呀^^
多數係風景畫,太抽象的唔太識欣賞了:P
版主回應
又畫又竹…呢份氣質就足以証明gael兄係個好有涵養嘅人!!!你咁鍾意旅遊, 風景畫就一定係心頭好!!抽象畫我都麻麻… 2014-10-07 09:23:07
掛上畫的牆壁, 使平凡變得不平凡!
版主回應
這個就是藝術品的作用...將單調的環境變得不一樣~~ 2014-10-06 13:52:23
有竹嘅環境就會清秀脫俗………………唔怪得知有高尚品味嘅師奶攞咁多晾衫竹啦！哈哈！
我諗現在要搵支晾衫竹睇下都唔容易~~ 2014-10-07 09:20:09