友情、愛情、親情…你會怎樣排位呢？！其實一點也不難回答！

如果森源排位，就會以親情為首位，跟著就愛情…最後就係友情～

話明是親情，當然有親啦！始終大家一家人有真正的血緣關係！雖然有血緣唔代表你會認為佢係啱、係好…但大家都會藉著呢個原因，會原諒對方！

講到愛情，情理上都應該會好親，如果唔係都未必會走在一起！

至於友情，我認為最唔穩定的一種情，今日大家傾得埋就為朋友，他朝變淡大家亦可能會各散東西，況且現今你遇到肯為你兩脅插刀的人，或你會為朋友而兩脅插刀的人，相信都係少之有少…或者唔可以要求太高，在急難時，有朋友伸出援助之手已經好夠老友！

今日在PChome見到單弒父傷妹的新聞，感到唔單止台灣，最近香港都有多單與親情有關的嚴重案件！因為較早前都與人講過呢個問題，所以有感而發寫出呢篇blog！！犯案的大多數是年青人，或者感到現在一代比一代冷漠無情！當然唔會一竹竿打一船人，不過問題的確存在，歸咎父母由細太縱壞？！由細唔識尊重長輩？！或者自尊心太強唔話得？！每點都有可能…或者父母本身也要付上責任！

現在的父母都希望子女得閒就睇多啲英文書，但往往忽略我地儒家思想以孝道為先的廿四孝故事（二十四位孝子的故事），雖然睇完唔會即刻變孝義仔女，但潛移默化都會有好方面的影響！

廿四孝故事本來有個youtube動畫版，睇完冇乜感動feel…後來搵來文字加插圖版，感覺好好多！而且聽故仔之餘仲有靚靚的國畫欣賞！…不過簡體版喎！

【廿四孝故事】
http://news.xinhuanet.com/health/2005-03/08/content_2666176.htm