2014-09-16 17:21:25森源
你又敢唔敢吔呢?!
最近地溝油事件，搞得滿城風雨，昨日衛生署公佈“得獎者”（問題食肆）名單，成張名單，簡直睇到眼攰…其實都唔駛睇，問題食肆，梗有一間響左近！！正所謂：出得嚟行，就預咗要還！哈哈哈～～出得街食都預咗唔健康啦！只係睇下幾時出現問題啫！！諗下食客都幾似嬰孩，阿媽餵乜就食乜，等如食肆老闆入咩貨你就食咩貨！食客只能分好食唔好食，好食就再來幫襯…只要話好食，老闆一定落“重”料啦～講到尾問題食品，間接都係由我地自己一手做成…有機會再跟大家傾傾…
有日在網上睇到介紹呢種食物，唔知大家又會唔會試？！
做得相當神似，一隻隻肥嘟嘟的蟲蛹，乍看之下都幾可亂真，睇落都唔錯，原來係軟糖，似流沙的餡其實是藍莓醬！其實都要畀個like呢位師傅，要做得似一啲都唔容易！！
以上圖片來自網絡！！
據報導是來由日本食肆，仲話現在好流行～～
畀著港人見到又開心死，自己唔食都要餵飽相機先！！哈哈
森仔.. 咁勇食虫 ? 哈哈 .. 食虫都好過捉虫 !
版主回應
若然畀森伯見到,會想影相多過食!!又未必~~可能會捉到一條大懶蟲喎!!!哈哈哈~~ 2014-09-29 08:56:46
咬住自拍嚇下人都得喎XXD
版主回應
我唔信Gael兄會用個靚仔樣咬住條虫虫玩自拍～哈哈
2014-09-24 09:59:51
嘩好核突！😱😱😱
好耐冇見嘞!!>>>>>>開心見你回來~~ 2014-09-29 08:58:27