Come From Japan...
有留意開外幣匯價都知道，近日日圓下跌，聽聞話多間找換店都有好多人兌換日圓…當然最主要就係想去日本旅行的人士啦！而想買日本產品的人都話好抵～點解日圓無端端下跌？聽新聞話係日本嘅國策喎！咁巴閉？！降低日圓來刺激經濟？！其實自從日本福島事故後，對來自日本的食品都有少少忌諱！平時都好少食日本嘢，個影響對我嚟講就不會好大…相信近呢幾年有間日本零食店在香港越做越掂，而最勁的就係可以上埋市，又真係唔簡單！店內主要賣日本零食，據佢講明主要銷售對象都係普羅市民，所以貨品價錢都係街坊價…
的確係，一啲包裝得靚靚的日本食品都賣得唔貴，初時畀我印象只得零食，原來都有賣其他產品，包括個人護理產品兼且寵物用品都有，活像一間小型的日式超市，始終零食店好受後生仔女歡迎，見到好多雀躍的揀零食，而我呢啲老人家就梗係企埋一邊睇多過買啦！XXD
不過最後都有少少收穫，免得吉手而回…XXXD
呢間店舖個名稱，據佢所講原來係來自經典日劇“阿信的故事”…相信好多人都估到啦！呢排日圓下跌，又唔知呢類日式零食舖又會唔會將貨價調低呢？係嘅話…森伯可能要再行一趟掃貨，哈哈！但可惜…可能未必夠班太太們、後生仔爭喎！
Rose
間唔中都會幫襯,以前買得多d
版主回應
自己好少食零食...一向都好少幫襯~~:P
亞U
通常行完好少買....
版主回應
Window shopping都係一種樂趣~~
kammy
雖然我都喜歡吃零食,好耐之前都成日買,不過買買下買少左... 覺醒佢地d貨變得普通左...反而超市久不久仲會有新驚喜XD
版主回應
你講的情形...森伯的想法又相反，有時好怕店舖的貨品時時更新，食開用開的想再買，不過無可否認大眾都喜歡常有新鮮感～～
愚
佢的產品真算是平，如果在日本百貨公司一定買唔到這個價。不過，我多數買黑豆漿飲，其他真少買。
版主回應
以日本食品來講都算平宜！不過自己冇咩啱食，所以冇幫襯...
記得最近飲的豆漿應該係維Ｘ奶...少買其他
搞一爺
我見啲阿伯掃貨都唔弱喎！森伯咁執輸！
版主回應
森伯有邊趟唔執輸丫...> <
你見嗰d阿伯,又未必同森伯呢d阿伯一樣呢!!
熊仔
日本真係有幅射架.. 只係di 人唔理0者... 有得揀 都唔去日本 先 ..
版主回應
係呀!!不過對部份港人來講,冇報導就等如冇事...
所以日圓匯價降低,都係希望恢復大眾對日本嘢的信心啫
Gael
我都有幫襯,七折果陣好抵^^
版主回應
對鍾意食零的人來講,應該可以抵買抵食來形容...
amour
一向喜歡日本這國家！
版主回應
日本對我們呢一代來講,日劇,卡通,時尚...總有些文化情結!!
ohtria
我都幾鍾意去呢間
Stella
我對日式食物感覺麻麻，所以日圓下跌對我無影響！
但對喜歡遊日的人是喜訊！
版主回應
係架!!我個人嚟講都好少食日本零食,總覺得當中有好多添加物...
喜歡日本水果,旅遊,或者匯錢給親友嚟講應該是個好時候~~
呀博
森兄
日貨我只幫襯出前一丁杯麵 , 沒有抵制問題 , 原來我極小買零食吃 哈哈 .
版主回應
入到去都冇咩零食睇啱,記得買了調味品少少...
不過鍾意食杯麵即食麵等...應該可以掃吓貨~~
ykk
日本食品, 森得民心! 趁日圓疲弱, 梗係唔多唔少都要入些貨.
版主回應
平時好少買包裝食物,所以都應該唔會因日圓低而入貨...
間唔中都會幫襯,以前買得多d