消暑聖品（下）
蛋糕變雪糕…之…森記雪糕
繼續都係講雪糕，冇法，呢排仍是非常熱，除咗食雪糕都冇乜首選……
早幾日見到PC-Home有篇網誌，見個幾歲大的小朋友自製雪糕，當然有啲步驟要大人幫手，但細路仔都整到，相信對年事已高的森伯來講都冇問題！！XXXD
其實他做的雪糕，仲比較多用具，要密實膠袋又要一大個有蓋的膠瓶…試問！家徒四壁的森伯，仲邊有咁多閒具去整雪糕…殊不知又有另一種方法做雪糕，既簡單又唔需要太多用具，儘管試玩吓！！
材料極之簡單（若然深奧就唔好搞森伯…）：忌廉、鮮奶、蛋、蛋糕…我就連蛋都減埋（因為怕食生蛋有細菌）所以就要餘下幾樣…所有材料超市好易買到～
好簡單將所有材料，放落攪拌機攪…之前要將蛋糕撕成細塊，砂糖都要落少少（一匙半）反而當中的廚藝在於份量的調配！我的比例是：三份忌廉，二份奶，一舊蛋糕…
攪完之後，將奶漿倒落容器內蓋實，放在冰格內，雪佢幾個鐘至一晚都得！
又好似似模似樣……
最緊張的時刻到喇…啲雪糕唔知筆唔筆得起??!!又OK喎！因為砂糖沒有放太多，所以味道清清甜甜都算合格…第一次整算係咁！
其實自己整的好處就係糖的份量可以控制，起碼知道自己落咩材料去做，但價錢一啲都唔經濟，等同買盒雀X公司的2L家庭裝雪糕差唔多！！
不過做得到…那份滿足感又唔可以用金錢來衡量嘅！！
仲有…纖體者慎整慎吔～～因為全脂忌廉都幾肥膩……
愚
厲害
kammy
森伯~ 中秋節快樂, 人月兩團圓呀~^^~
版主回應
謝謝Kammy，我都祝你中秋快樂，人月倆圓！！
呀博
KK兄
熊仔 fb 講 ''唔知乜野唔易做喎.
10頁綱誌 8 頁牙痛咁聲.
曰曰做到三四點至食飯 慘慘呀 !
ykk
唔好博, 要帶遮!
近排, 唔見熊仔.
版主回應
這些時候,帶遮穩陣啲嘞~~
我諗熊仔忙卦...
呀博
森兄
早晨....驟雨的陽光 .
ohtria
似模似樣
kammy
好得呀!!!下次我都試下先!!真係好簡單!!不過你舊蛋糕有幾大... 是不是雪芳蛋糕一個咁大呢?
版主回應
始終個製成品同買的雪糕略有唔同, 可能就是冇添加劑或冇加蛋黃的原因, 不過都唔錯!!不妨一試!! 我的蛋糕是大蛋糕, 可以用兩個細的紙包蛋糕代替都一樣!!
搞一爺
我將切粒粒香蕉放入冰格雪至結冰，然後，加少許水用攪拌機打蓉，個質感好似食雪糕架，無咗邪惡嘅肥奶奶整，好啱我呢啲戒食雪糕嘅肥肥人。其它水果都得，有益又健康。水果買多咗又食唔晒，喺變爛前掉入冰箱，唔駛浪費嘛！
版主回應
我都聽過人用香蕉做雪糕，環保達人周博士都推介過!!
https://www.youtube.com/watch?v=yeo50gdKsZY
但通常蕉好少雪凍來食…就咁食就算!! 今次見呢款自製雪糕的做法甚簡單, 所以就學下做~~
平時真係好少食凍嘢, 老人家始終受唔得太多寒凍嘢…
呀博
森兄
跟唔到做啦 , 冇攪拌機添 , 買件雪糕三文治食算啦 !
版主回應
冇就買部...
平時都要攪蔬果,幾好用~~
當然喇,買的雪糕方便...
SeeWide特搜網
森源你好,
SeeWide特搜網是一個全新互動生活分享平台，集齊各地遊山玩水好去處及講玩、講食、講扮靚、講生活，讓大家分享不同的生活體驗。
你的網誌十分切合我們網站主題，內容及相片也很有質素，請問可否讓我們轉載網誌內的相片及內容？(會注明出處及不作改動)
我們的目的，是盡力網羅優質的相片及內容，建立一個包含豐富生活資訊的玩樂休閒分享平台，讓一眾志同道合的網友可更輕易獲得寶貴的參考資料。現階段，SeeWide 已擁有超過十萬篇生活攻略，瀏覽量亦超過數十萬。
希望你能成為我們平台的一份子，助我們更有效地集結各樣不同的好玩好食生活資訊！
另外，我們亦設有「稿費」制度，透過發表文章所累積的本地瀏覽量，即可兌換稿費！
而我們亦可以你的名義，將稿費捐到香港宣明會，或你指定的慈善機構
詳情可參閱：http://www.seewide.com/space.php?do=help&essay_id=22#001
如有任何查詢, 歡迎電郵至: info@seewide.com
Gael
加埋朱古力係咪可以變朱古力雪糕
版主回應
在攪拌之前落可可粉,應該可以...
你真係好鍾意朱古力~~哈哈
ykk
好有創意, 值得一嘗!
版主回應
生活就是無限創意...
自己整又有唔同的味道!!
厲害