2014-08-27 13:39:29森源
森情回歸！！
套用歌詞一句：有記得我嗎？！有掛住我嗎？！……
一別已經有成個幾月了！！一大張list要做的事，都做得七七八八～仲有三三二二都未搞，可能隨時都要停一停，歇一歇…個Blog～
雖然生活太多繁瑣事，但都不會因此而停下，路仍是要繼續行的……
除咗遲到，對方唔等你之外～時間都唔會等人！後生仔要把握寶貴的時間之外…老人家就更加…….XXD
所以呢個時候一切事情都準備就緒，要開始出發！！邁出第一步唔容易，點樣去逐步逐步做更加要運用你的智慧！唔需要理會結果點樣？！總之做過就已經係向自己有最大的交代！
生活無常，最近身邊有好多事都會話唔定架！做咗幾廿年人都應該睇通睇透，雖然有好多事未必會預計到，但總要有懂得應變的心智才能更上一層樓嘛（呢句講就天下無敵，做就有森無力）…哈哈哈
好多謝在休Blog期間仲不時嚟探森伯的好幾位Blog友（屈指一算都有三、四位），就算冇Blog出都仍保持聯繫，忽然又令既老土又感性的森伯諗起一句…咩咩咩長又長呢?!!!!......唔係好記得?!!!可能真係年代久遠…哈哈！最後都要上網搜一搜，原句就係：萬里長城長又長，我們友誼比它長…超經典的小學生寫紀念冊名句！雖然老土啲，但大家心神領會就得喇！！
森伯返來了XD 過來SAY個HI先XD 真的!! 生活太多繁瑣事,不過向著自己的方向走,就一定會有收穫,收穫無論多與少,只要自己努力過,感受就是美好的^^
版主回應
真係好多謝Kammy常常為森伯打氣, 作個鼓勵~~雖然暫時冇咩值得興幸, 但最重要仍可以找到自己的方向, 至少可以有個目標來跟著行…沒有想有否收穫, 只要當下做了才去想吧…… 2014-08-29 09:18:54
當然不會忘記你啦﹗友誼長存^^
版主回應
唔會忘記一個老人家咁長氣?!!......哈哈網上友誼都同樣可貴~~ 2014-08-29 09:06:56
一寫左網誌就好難同佢一刀兩段的，到而家都好懷念「雅虎」的熱鬧！
係呀,雅虎blog好玩好熱鬧,可能日後都會成為我們一眾blog友的集體回憶!! 2014-09-01 12:21:13