2014-07-03 15:30:45森源
冇乜名可提！…
一到夏天，電視台通常都有好多活動…大型節目…大show咁！到年中呢個時候相信很多人都會即時諗到選美活動…年年都選一咋靚女出來，試問邊得嚟咁多呢？！所以電視台用銀彈招兵買馬，若然身邊有靚女的話就可以提名佢參賽咁話（資料來自tvb.com：今年無線破天荒地增設現金獎，每提名一位成功晉身港姐準決賽的參選者，可獲獎金港幣一萬元…）不過是次提名活動已經截止！
查實綜觀周圍認識的…要搵個有選美潛質的人來提名都唔係咁易！至少起碼目前冇乜！…
或者可以賴森伯生活圈子細，唔識得太多人咁啦！！哈哈哈
記得以前舊公司，的確有位可以用靚字嚟形容的女同事，都有人同佢講可以參選港姐，老土講句：佢係屬於由內靚到外嗰種，即係話她本身好好人，心地善良純品，根本唔適合五光十色的生活！！不過事隔咁多年冇見，而家可能發福咗都唔定XXXD
而另一邊廂（隔離台）又搞感動人物選舉，今次又係玩…提名人喎！凡身邊有認識的好人好事，都可以提名參選…其實呢個選舉係幾有意義，讚揚一班為人群付出的人，都幾正面！之不過就正如…有益的食物，有益的電視節目都唔係咁多人捧場……許可的話森伯都會睇嘅，尤其是有意思的節目…
講真！平時要搵好人好事都唔易…反而搵氣人氣事就大把！XXXD何況能夠讓人感動的人與事呢？！
要搵個真正靚人唔易，搵個真正好人更加唔易，或者社會環境做成，靚就人工化，好就表面化…唉！
最後想問大家，你寧願人哋提名你去選美、選帥，一或提名你選為感動人物呢？！
冇乜名可提，另森森不忿！大可向無綫自我推薦，皆因無常常鬧中生慌。
版主回應
KK兄真係好客氣…怕做中生都冇資格~~要做甘草比較適合…XXXD仲要做男女主角嘅阿爺阿公嗰類… 2014-07-07 08:57:18
真羡慕你的卜咁熱鬧，我就拍烏蠅，每次都只有垃圾廣告回應！！！
版主回應
火木就是firewood嗎??都唔係!!以前y-blog更加熱鬧, 都係多謝一班舊老友常來捧場, 作個聯繫!!
你在PChome有個網誌, 我都有試過留言, 喜歡的話我會繼續去訪你, 能夠繼續聯繫也很好吧~~
最近好忙, 可能寫多一兩篇後暫停一段時間…所以好少再識新blog友, 希望你繼續到訪~~ 2014-07-07 08:53:34
我想呢啲提名選舉不多少也會有些水份，尤其是一間大公司，內裡文化背景十分複雜，都是小圈子內定的多，還有一些擦鞋成份，咁你諗會有幾多成機會呢？
不過話分兩頭，有些比較有正能量的節目，都應該推舉吓嘅！ 2014-07-09 10:09:41