政治就唔講亦都唔到森伯講，你估森伯真係維園阿伯？！！反而民生百態就可以發表下，現在聽得最多就係中港矛盾，部份港人對國內的同胞唔順眼，認定操唔鹹唔淡廣東話的人都係麻煩友！不過我就好中肯，每個人都有唔同，唔能夠一竹竿打晒一船人，這樣會唔公平！而森伯親身遇過的同胞們都有友善的有禮貌的人…當然也遇過品格差的人，不過就佔少數…睇下遲啲收緊一簽多行政策，港人又會唔會減番啲怨氣啦…

講開回歸、國慶都有很多活動搞，當中有些活動是向外（例如什麼放煙花、升旗禮、文藝晚會…）有些就向內（例如什麼晚宴、聯歡活動…）而相中的紀念幣就係回歸那一年（即係九七年）數算都已經有十幾年了，是森媽出席呢個晚宴時的紀念幣！

當時宴會請了很多與國內有生意來往的人出席，而有位Auntie是營商的，順道叫埋森媽出席，當時森媽亦打扮得很隆重，話晒大場面喎，點可以失禮呢！哈哈…同場仲有當時的首任特首董伯伯出席，的確幾有紀念性的，而出席的賓客都有紀念幣一個作為留念！
幣上亦清楚印上九七年七月份

雖然這個紀念幣不是什麼值錢的東西，當作一樣有紀念價值的收藏物都唔錯！

年年的回歸紀念日之後，又係下半年的開始，都要做好下半年的工作，唔係的話一年又好快又過去！好好把握時間呀！！

最後鳴謝森媽借出紀念幣，以作森Blog拍攝之用…XXXXD