2014-06-24 15:30:50森源
兒時食味…好耐冇食過！
記得在Y-Blog時代，寫過一篇兒時食味，當時講雞蛋仔可惜冇copy到 PC-home，大家Blog友未必可以追溯返，其實兒時食味點止雞蛋仔咁少，仲可以寫多好幾篇…人在成長階段所細味過的東西，反而比成年時期有更深印象～
相信小食對細路來講總係唔少得，又有幾多樣小食到而家你仲會記得呢？！相信甘大支都算係其中一樣“兒時食味”的回憶！
講開又真係好耐都冇食過，平時又唔會刻意留意呢類小食，所以曾幾何時以為呢款小食已經人間蒸發，不過後來又見多了…可能一路都未停過產！！不過新時代新公司，相信甘大支都可能易過老闆…今時今日見到嘅，可能生產商同製做商都唔同！
既然甘大支又名餅乾條，就知道同煙仔餅冇咩分別喇！記得以前只係得原味，而家就有多款口味，好似有蕃茄味、朱古力味、仲有紫菜味…如果唔搞搞新意思，好快又畀市場淘汰…仲有盒面的插圖公仔，仍舊是呢個印象極深的“甘大滋牛仔”做代言人！！但睇唔明點解呢個牛仔要渣住兩支槍，一支唔夠要兩支…咁暴力？！或者就係靠呢兩支槍，打入每位食客的回憶中咋！！
打呢篇的同時，又畀我搜查番一篇以前的Blog文，最難得就係PC-home有存貨…哈哈哈哈！同樣講甘大支，但性質、口味唔同，有時間可以睇睇…http://mypaper.pchome.com.tw/sumyuen/post/1321228548
百力滋.幼身di 甘大支油炸.. 大家餅質唔同架
版主回應
所以將兩者混淆...細個食甘大支比較多,百力滋直情冇咩印象??!!
2014-06-30 09:07:40
森仔.. like 甘大支 .. 我 就麻麻.. 令願食 百力滋 ..好味di
版主回應
到而家我都搞唔清甘大支同百力滋有咩分別...好似同一類小食~~百力滋真係好少食,冇咩印象~~ 2014-06-29 10:22:25
有啲食品既包裝幾十年不變，甘大滋同有一家月餅佢個鐵盒樣子維持了噤多年都冇變，我覺得包裝維持得俞耐表示嗰種食品有實力品質受歡迎，其實啲野萬變不離其中，相信甘大滋都係由煙仔餅變化過來的，講懷舊我都鐘意煙仔餅多啲。
其實我都認為煙仔餅好食得多,甘大支比較熱氣,可能佢炸過... 2014-06-30 09:13:41