2014-06-20 12:35:35森源
係咪家家必備?!!.....
以前讀書（小學）時候，有科叫健康教育的課程，裡面都係講吓醫學常識，又會講受傷後點去急救處理…聽落好似好pro，其實呢啲統統都係常識，甚至小學生都應該識，不過而家的學生冇健教呢科係讀通識科，樣樣都要識啲…而書中課程出得最多的用品，相信就係家中的急救箱！而急救箱呢樣東西亦好少在一般家庭出現，你諗下，屋企整得靚靚地無端端掛個急救箱都幾怪…查實急救箱的原意都係等大家容易睇到，藥物容易攞到為原則！家庭用就甚少，公司用就比較多，萬一受傷都有藥用住先嘛！！
自己多數有個必備的藥袋，通常都係啲外用藥居多，驅風油都有一兩支傍吓身！！用起來方便！不過就未必有齊標準藥箱裡的必備用品！
如果大家屋企有的話，都可以睇睇自己個藥箱合唔合格…
‧大小不同及獨立包裝的膠布
‧無菌敷料：如Melolin用來覆蓋傷口
‧膠布：如Micropore用來固定紗布的位置，也可用來處理微細傷口和擦傷
‧三角繃帶：用作吊帶，以承托受傷的手臂或肩膀
‧縐布繃帶：用來紓緩扭傷和勞損，或固定紗布的位置
‧無菌吸收性紗布：用來清潔和弄乾傷口，也用來遮蓋傷口
‧不同大小的安全針：用來固定繃帶
‧末端圓鈍的剪刀：用來剪膠貼或繃帶
‧鑷子：用來移除物件，如碎片
‧消毒眼棉：用來遮蓋眼睛，但可用大紗布代替
‧閉合傷口的帶：固定傷口範圍
‧消毒鹽水袋：清洗傷口，但也可用清水代替
‧溫度計
睇完之後，真係可以租個迷你倉擺…..XXD相信唔會有人齊晒所有～～話明標準就一定嚴格好多～～
而我覺得有個買藥的廣告slogan幾啱聽，唔係咩咩藥箱都變首飾箱…哈哈哈
而係寧可千日不用，不可一時不備～～用來形容家中的藥箱都幾啱！
我屋企冇藥箱，只有膠布及油，口罩、探熱針。學校齊全點。
版主回應
如果唔係成日要用,很少家庭會設個藥箱,工作環境唔同~間中會有人受傷... 2014-06-24 09:00:45
相信很多人家中都沒有這東西。
版主回應
謝謝Amour的到訪~~家中應該唔會有,可能辦公室仍會有這設備... 2014-06-23 10:16:51
特然特發奇想,藥箱是加放少少零食呢,胃痛都有少少幫助.