2014-06-13 10:29:21森源
打到嚟…
說那時就那時快…四年一度的世界盃又嚟喇！！當全城掀起世波熱的同時，無論關唔關事的若干人等，都要迫你去參與呢件盛事！！最直接電視、電台、網上、周圍環境…總之處處都係世界盃！！簡直同洗腦冇咩分別…XXXD
唔知大家有冇為世界盃做過傻事？！哈哈～所講的傻事就係你認為值得，但係別人眼中都幾傻吓的事！特登請假睇波？！儲好耐錢為去主辦國睇比賽？！成晚唔訓捱夜睇直播？！去酒吧包場同班fans睇？！…唔知而家仲有冇人咁傻仔！！不過為自己所好，畀人認為傻都應該幾值得慶幸…可能森老伯唔傻又唔天真，所以都冇呢份閒情～～
呢排又冇真正去過鬧市，大型商場…所以唔知出面的世盃熱如何…只是昨晚去超市買少少東西時，先至發現原來世界盃“打到嚟”喇！在呢個時候都應該會帶旺超市的生意，通常啤酒、汽水、零食等都會唔少得，大包細包執番屋企睇波！但現場又唔見有人掃貨…
世盃效應可能要持續成個月，好多人話市面上都會受到影響，但對森伯又冇咩影響，都係跟平時冇咩分別，平常過平常…XXD
森仔 : 係YKK 睇開呀.. 我唔智睇足球 又點會 睇足球雜誌呢 ?
版主回應
相信香港出的足球雜誌都唔多，好少人肯畀錢買嚟睇…冇咩市場～～
2014-06-19 09:16:50
四年一度的世界杯,創造無限商機,球迷願意消費,皆大歡喜!
版主回應
可能生在商業社會,所以無論什麼節日,運動,都一定跟消費有關~~
2014-06-16 09:43:02
世盃始終都係一項盛事，一開電視就睇到電視轉播球賽，就算我喱個對足球零知識既人嚟講，都會留低睇番陣，正係聽旁述員引述足球員既球技，又幾緊張又剌激，入波嗰一刻真係幾令人振奮，同埋啲球迷當時既情緒高脹，為咗捧場，奇裝異服同化裝，嗰種氣氛都好吸引，睇落又幾好睇。有好多商場都有大螢幕轉播俾人睇，有個商場招呼認真一流，落地免費大螢幕，獨立足球造型的梳化椅，觀眾每人一椅，又有冷氣嘆，真係現場一樣，仲舒服過去主辦國睇，有啲商場仲有免費食物招待添，喱排天氣陰晴無定，去商場睇吓球賽轉播都不失為享受吖。