2014-06-03 15:04:59森源
脆皮果仁
講到食零食，人大了就好似少了呢個習慣，至於只屬過口癮的零食，就更加冇嘞！之不過，近排都試過一種脆皮果仁，的確幾好味！而且屬於堅果類…當為健康食品又得，當零食都得！
食零食最唔好就係欲罷不能…食了一兩粒之後，就會在不知不覺間越食越多，食食下…咁就變肥仔肥妹！！而呢種脆皮果仁都係一樣，好容易就會食上癮！！初時見到以為外殼好硬，可能要用鉗來開，原來非常之脆，簡單用手剝開都得，不過呢種果仁應該有處理過，外殼有加過調味，而且焗脆過，所以外殼比較容易剝兼且香脆好味！
其實我們的食物中，堅果類的食物唔少得，我覺得係人的本身基本食物，若果人係猿猴類，佢的主要食糧都唔少得堅果，有時睇動物片見啲黑猩猩在地下揼揼揼，都應該揼緊合桃果仁之類～而且咀嚼呢類堅果要用牙力，咁都可以幫牙齒牙骹做吓運動…一舉幾得！！
果仁熱量高,平時多數都係食些少花生,過下口癮咋....
版主回應
對呀～～堅果類的熱量都幾高…所以就算零食當前，都要適可而止～最忌不停咁食…
2014-06-05 16:23:08
森兄
好彩世界杯夜半三更打 , 因此我唔會起身睇 ,所以唔會買定幾十包零食 + 氣水 , 真係驚 200磅呢 !
版主回應
今年的世界杯啲賽事好似在香港零晨時份先開始,所以應該唔會好多人睇,要睇可以在網上睇返!!查實世界杯跟零食...同森伯都冇乜關~~哈哈 2014-06-05 09:06:37
卡路里高唔高架﹖