2014-05-27 14:17:38森源
摩登百子櫃…
早前有同事唔舒服，講到睇醫生，初時以為佢睇西醫，食下藥丸好快就痊癒，兼且可以出張假紙…攞正牌放病假～但原來佢係睇中醫，記得好似註冊的中醫師，都可以出假紙！註冊中醫都唔難搵，因為有好多醫院都設有中醫部，做得醫院中醫嘅…都應該有註冊…
諗諗下…自己都好耐冇睇過中醫～咁又唔代表健康咗喎…XXD只係有咩大單事就入廠啫…...所以都唔清楚家陣的中醫有冇咩大不同！記得好細個睇中醫，在藥材舖裡睇，以前每間藥房都有中醫註診，目的睇完醫生順便執藥，若然個中醫名聲好，都會帶旺藥房的生意！！一向感覺中醫屬於傳統醫術，相信唔會因時代有改變，但而家聽好多人講睇中醫已經唔需要執藥材、煲藥！而係食藥丸沖藥粉…＠＠咁神奇！！可能而家興速食文化！唔需要煲藥睇火咁麻煩…但都有少少質疑藥效大唔大？！
而家都好少見到傳統藥房裡的百子櫃（裝多種藥材的大木櫃），而傳統的藥房因為租貴，亦都唔夠大大藥房連鎖店、超市搶生意，所以越見越少！！執藥都變得現代化，一樽樽藥名清清楚楚，唔會溝亂！！至於傳統的藥煲，唔知現在的小朋友有冇見過！！我仲好記得煲中藥，要幾多碗水煲剩幾多碗水，而有啲講研的中藥材仲要煲完先可以落，稱之為“候下”！可能因為咁樣，啲病人寧願吞幾粒中藥丸就算……
森仔 . .中醫話中藥唔係隻隻藥適合製成粉 . .所以 都要睇睇個 人醫治藥方先配合到粉.. 否則功效減半
版主回應
當然~~不會隻隻藥材都可以做粉末...但而家又少了人會真真正正煲藥,所以明知會減功效都未必理!!最緊要方便~~
2014-06-02 09:36:17
中醫師寫藥方,字體好cutie,基本上外人好難閱讀, 相信是商業手法,拿去別處執藥會有多少難度.
版主回應
都有呢個可能, 執藥師傅睇慣醫師字跡, 就識執!!或者係一種生意的保障卦~~
2014-05-28 15:20:30
我睇中醫都鐘意番屋企自己煲藥，睇住張藥單，清清楚楚知道自己食咗啲咩藥落肚，仲唔洗食埋啲泥沙落肚，吸收會好啲，冇時間不如睇西醫食西藥好過。
認同你所講!!自己煲藥雖然麻煩少少,但勝在知道自己煲咩藥,食得唔好都有得跟進~我認為想見效,就唔好懶... 2014-06-16 09:38:48