2014-05-20 13:53:54森源
綁住佢；紥實佢…
一聽到個題目，大家唔好以為就嚟端午節要包粽食…況且森伯都唔識包粽架啦！！話時話，呢個時候未到端午，天氣都已經熱辣辣，反而室內有冷氣就會涼爽些，外邊的空氣中夾著濕氣，個人會覺得非常之悶熱！
有啲家品的確好實用，所以有時間都不妨行下大型的家品店，就算一啲唔起眼的小家品，都可能會發揮到大作用！！
至於冬季的一切用品又要封箱入櫳～～例如冬季會用嘅禦寒之寶──暖風機…到此時此刻都應該毫無用武之地，要收起佢，但係要收好條電線都麻煩少少！！突然好想所有電器都係無線操作～～之前我會用橡筋，但擺耐咗橡筋會溶，黐在電線就好難清理……忽然畀我諗到有樣好用的家品，應該會幫到手！就係收納魔術貼！！
呢啲魔術貼唔係自己買，係人送嘅（所以我唔清楚邊度賣？！）應該大型的家品店搵到…相信唔貴但就好好用，其實佢主要用途係綁好電腦後面的一大束電線、或者電視音響等的電線，要綁要拆都好方便，而且唔留痕跡…
有幾種顏色，唔怕會撈亂！
齋睇日本字，應該在日式家品店有售卦…
有啲家品的確好實用，所以有時間都不妨行下大型的家品店，就算一啲唔起眼的小家品，都可能會發揮到大作用！！
森兄個夏天look, 紥實了許多, 一個字, "型"!
版主回應
謝謝...只是插畫一幅,當中的型字,不能與真正的森伯相比...XXXD
2014-05-23 10:47:08
有些工具仲好用，是好像索帶，比魔術貼更好﹗
版主回應
索帶??....電線附近用索繩, 會否容易燒著呢??!!森伯好大鄉里, 唔知索帶咩款, 有機會愚老師介紹吓~~ 2014-05-22 08:41:20
森伯永遠都靚仔有型,咁先係森伯嘛~^^~