2014-05-02 12:43:59森源
古錢…
到今時今日，時時都聽人講金錢貶值，薪金都唔夠通脹升得快，樓價舖租更加唔駛講，普通的打工族用個錢，都要度住度住！！森伯伯就係一個好例子，總係時時覺得入不敷支，可以儲個錢都要儲個錢，因為將來的事是估計唔到嘛！！
以前聽上一輩講，幾毫子就可以食碗粥、吔個麵！感覺袋幾個「神砂」就可以出街，相比而家，要袋成千蚊先敢出街＠＠～而且仲唔行得遠……
若果是古人相信他們用錢更加唔多，我講係平民百姓，因為以前物價消費都唔會太活躍嘛，簡簡單單就可以過日子！
相信而家都好少機會睇到古錢，通常拍戲先會見到，而且古錢大多數中間都有個隆，因為古代人唔興用銀包，就會把銅錢用繩穿起，要用就拆幾個出來用，雖然話古錢，但都有佢嘅年代特色！！一般都會用銅製造～～
這古錢是借回來拍的，是真是偽就唔太清楚，而且這些銅錢的面值是多少就更加唔知，因為冇將面值印在錢上，可能要等專家考究過才知～～
忽然有個奇想，唔知去便利店買支嘢飲，用呢兩個銅錢畀售貨員，佢地即時又會有咩反應，諗吓都應該會幾驚驚…哈哈
ykk細時都用過紙幣仙士, 哈哈!
版主回應
以前的銀錢好見駛…相比現在一二百蚊就好似以前的十蚊廿蚊…唉~~
2014-05-05 12:20:29
如果森兄夜媽媽揸住D舊銅幣去七仔買嘢，店員分分鐘以為乾隆番生下江南潻！
版主回應
我驚畀店員, 捉去入青山就真…XXD都唔知呢類銅錢有冇價值?!!應該風水店好多, 用作擺風水之用!!! 2014-05-05 09:03:54
家吓出一出街都唔見5佰，d錢真係唔見洗!
帶定提款卡就差唔多…哈哈哈 2014-05-05 13:47:56