請食餅...
除咗食之外，都冇咩其他更好的，可以大家同事一齊分享吓～工作唔計啦，所以間中都有同事請大家食嘢，除了外地手信，都會有自己整的食物，不過我認為親手整的食物，一定要整得好好睇睇先敢請人食，否則...買現成的好過～
整嘢食多數係女同事多，男同事又好少喎，自己整嘢食唔講得上經濟，有時買材料都未必平，可能大家想表現一下入得廚房的美德啦～所以她們一般都是太太級，媽媽級...
今趟就收到曲奇餅，相信要整都未必好難，材料份量的比例先為重要，通常整餅都係外國同事，本地同事整蛋糕居多，可能費事畀同事講句”阿某整餅”！XXXD
一啲大一啲細，好有handmade feel，外觀都一般啦！勝在味道心思搭夠！！
如心恕也
你問點解看到是外國人之作，因為我看得太多了，他或她大多都不會太姿整，若你有看一些廚師（尤其是名廚）做的節目，就知我所言不差了！
版主回應
哈哈,合理的見解,可能華人煮食文化,一般都要色,香,味有齊...先會上得檯~~
man-man
心思係無價嘅，你要感恩呀！
版主回應
講真,同事們都很有心,相信要整都要唔少功夫架...
如心恕也
呢款曲奇直情係hand made啦，一睇個樣，就知多數係外藉人士之作？
版主回應
哈哈，果然心水清～雖然賣相、色水麻麻地，但都幾好味～
唔知憑咩蛛絲馬跡可知是外藉人士的傑作呢？？是由一個外藉女士整的！
愚
好好味^^
熊仔
森仔.. 圖中塊餅買相............ 麻麻呢 . .哈哈 . .不過同事請 就照哽啦.. !
森伙.. 搬家後好似勤力0左 ^ ^
版主回應
我都覺得麻麻地,既然佢地是handmade就未必會計較賣相~~
咁就唔好講照哽,味道都唔錯...
剛剛先畀kk兄同博兄話,去咗整餅...只係近排風濕發作啫~~
kammy
朱古力餅嗎?好似幾唔錯咁呀~^^~我最多都係蒸下蛋糕仔...真的,買材料仲貴過買現成,而且又快過期,所以都無整了><
版主回應
我諗係朱古力碎曲奇,其他仲有咩材料就真係唔知~~~~
記得自己有段時間親手整過饅頭,質素就麻麻地,但勝在夠健康~~
自製蒸蛋糕仔唔錯,幾有益~~
呀博
森兄可能上緊 : 森造文憑班 ( 西餅 )
版主回應
哈哈,如果要學整餅,我都寧願揀整唐餅好過西餅啦~~
而且必定跟博兄學~~
ykk
森兄唔見幾日, 是否喱埋學做餅?
版主回應
森伯邊有呢份閒情去學整餅丫...
近排風濕發作,濕度日日都九十幾...><
多謝你的關心
新聞台Blog小天使
親愛的台長︰
恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
版主回應
很多謝新聞台的鼓勵及支持,我會繼續拍多些好的相片,放到我的網誌內~~謝謝
BIM
單係份心意同對同事付出，就已經值得欣賞，好唔好味我都會好appreciate
版主回應
完全認同!而且佢地都要做得幾多,因為所有同事數目都唔少~始終親手整的美食跟包裝食物是兩回事,handmade幾時都矜貴啲...
呀博
森兄
唔講你唔知 , 細細個幫老豆間中式餅鋪包裝搓麵粉,辛苦 C 架 , 玩下好啦搵食就咪攪 哈哈 !
版主回應
雖然辛苦,但都算學得一門真傳手藝,現在真正識整中式餅的師傅相信唔多,記得有些中式餅都幾吸引~~好似合桃酥,光酥餅等
ohtria
你有冇畫畫送俾同事呢?
版主回應
我多數送合適的禮物俾同事,好少送畫...
費事佢地攞嚟墊煲底~~哈哈
Stella
分享美食，增進友誼！
搞一爺
好彩唔係俾人請食豬頭骨，猫麵同燉冬菇啫！
版主回應
請飲咖啡同請食皇家飯都唔好啦~~分分鐘花廳都有得坐~~哈哈
ykk
森兄, 同事做美點, 你可以畫餅充饑!
版主回應
森伯為人較實際,畫餅充唔到饑,一定要有嘢落肚先得...哈哈
Gael
Sam兄最拿手係整咩^^
你問點解看到是外國人之作，因為我看得太多了，他或她大多都不會太姿整，若你有看一些廚師（尤其是名廚）做的節目，就知我所言不差了！