2014-04-17 14:34:30森源
“龍佬”朱古力…
講開復活節都會即時諗起復活蛋，記得以前都有學校派烚蛋畀學生仔！！森伯在早幾年前都收過烚蛋作復活節禮物，當然森伯唔係學生仔啦！不過復活節有復活蛋食又好應節！！現在大多數所講的復活蛋都用朱古力做，講真自己對朱古力就一般，以前都講過好易“起痰”所以都係可免則免…
既然講開朱古力，都不能不提“龍佬”呢個老字號…有日尊程行到“龍佬”的專櫃，哈哈！當然係要買朱古力！！可能要準備復活檔期，“龍佬”專櫃已經有復活節氣氛，見到很多復活兔、復活蛋之類…
雖然裡面有好多款朱古力，要睇都有排睇…不過蠢唔晒的森伯，一早鎖定目標！是次要買的朱古力，其實係孝敬森媽，一向森媽都係朱古力迷，所以送朱古力就包冇錯！當食慣甜味朱古力，就想試下有苦味的朱古力（係森媽的心聲），於是乎諗都唔駛諗就要呢盒～～
聽講正宗的朱古力其實就帶少少苦澀，而且黑朱古力亦較為有益，所以如果受得到苦味，其實食黑朱古力就最好！！
“龍佬”呢隻黑朱古力有分苦味度數，當然係度數越大就越苦啦～～對於森伯來講，可能屬於大眾化口味，覺得甜甜地的牛奶朱古力就最正，所以自己對朱古力唔會太高要求～～
同場加映...
其實除了一般的朱古力之外，仲見到“龍佬”有些動物造型的朱古力賣！有兔仔豬仔貓仔等…幾得意架！當然唔敢當場影畀大家睇啦～不過呢類動物朱古力唔好以為好大粒，size就比一般的“麥提渣”大少少差唔多，其他都係五顏六色，剩係呢款哈巴狗仔的顏色比較正常…XXD～係款杏仁味朱古力！！
我認為送禮自奉都幾好玩，送畀男仔女仔都得，相信送畀女仔肯定一見到會講：好得意呀！～～哈哈
趁復活節來到，森伯除咗畫隻復活兔之外（呢度PChome轉唔到logo相…），仲有狗仔朱古力，仲有……祝大家有個歡樂而有意義的復活節假期！！
truffle就是松露朱古力,軟心的,好香可可味同好滑,超市都會見到,有D CAFE仲有truffle chocolate cake,超好味呀!!其實食黑朱古力都係喜歡香濃的可可味,73%其實都是甜的,都係因為貪吃,一試之下就愛上了,我已經是大人了,當然是要吃黑朱古力呢XD
版主回應
既然你講到truffle松露朱古力，有機會見到都要買來試試！！朱古力都是甜的好味(個人口味)，不過若然怕甜的話苦朱古力又會是另一個選擇，人大了，通常都會欣賞苦的食物，好似苦瓜就是其中之一...
2014-04-23 10:30:09
激森媽？我又好想八掛吓人性好壞兩面喎！
版主回應
你都識講啦~~人性有好有壞,睇吓你那邊佔多少啫...
2014-04-22 10:26:53
用苦澀高指數巧克力做的「巧克力布朗尼」，真的十分好食，之前我曾寫過一篇這樣的日誌，附有食譜，做法不難很易整，連從未做過西餅的網友也說能做得出來。
森兄，不妨找次機會做給「森媽」吃吧！
有機會去睇睇你的食譜～連唔做開西餅都識做，相信都幾易…
你唔知，森媽好嘴刁～佢未必欣賞我地親手做的食物～所以幾難服侍架！……XXXD 2014-04-30 11:36:43