港產蜜…
一提到「港產」兩個字，隨即諗起港產片，自己都冇乜睇電影，更何況港產片，所以昨晚的電影頒獎禮都冇睇只因冇乜共鳴…因為完全唔知賽果合唔合理…哈哈
講返正題先！呢排轉季，天氣真係時涼時酷熱，冇講錯真係可以用酷熱來形容，四月份已經可以著件背心仔通屋走…XXXD，相信都有好多人已經開了冷氣用～～因春天天氣潮濕多暮，個人就會好易攰，總係提唔起勁兼且時時都好似瞓唔夠…原來呢種情況，中醫有個好聽的名稱叫「春困」…所以好易病，都係傷風、感冒、兼有幾聲咳之類，呢個時候最需要補充體力增強免疫力…
最好最天然都莫過於蜂蜜，一向都有飲嘅，但以而家的時勢造假的蜂蜜多的是，就算佢吹噓真正蜜糖嘅…飲落都十分假！所以迫住森伯都要選購外地進口的有機蜜糖…但有日經過某藥材店時，就畀我望到有本地生產的蜂蜜，雖然是同一款蜂蜜，但每樽的顏色都不大相同，肯定唔似超市的蜜蜂，樽樽顏色一模一樣似人造蜜…於是買一樽來試試…
據佢招紙所講，呢間養蜂場位於沙田，自家生產蜂蜜…而且佢有個網址可看介紹，於是click入去睇睇，發覺原來可以畀大家去參觀佢的養蜂場，網上仲有蜂蜜產品的價目表，發覺價錢合理…少少地65克的鮮蜂皇漿都係買$200蚊（通常人家食蜂皇漿都係一日一細匙來食，所以都夠），因為佢唔會大量生產，所以可信性又高一點！而蜂蜜的味道唔錯，有蜜香味！有機蜜糖以外的另一選擇！！
蜂蜜色澤琥珀溫潤，少少地又可沖杯蜜糖水飲…而我多數搞生果時加添在內！！
為了增加消費者的信心，加了一個正字的鐳射標籤…
呢排森伯都發覺有少少「春困」的症狀，唔怪之得成日都好似瞓唔醒咁啦…
繪畫樂園
我每朝早都食一茶匙蜜糖，但點為之正定正，我真係唔識分，食同唔食又冇顯著唔同，我都係喺超市度買，嗰啲賣康健食品既店舖講得幾純正，但係幾佰元一樽仔，太貴喇，又唔保正到百份百純正冇化學野溝，食咗又係冇咩顯著功效，都係買一佰元流下一樽嗰啲算喇，就算唔正都洗噤激氣。
版主回應
其實真正的蜂蜜有很多地方可以睇得出,包括生產蜜糖的地方(來源地),若然佢有蜂場的較有保証,第二佢的產量多唔多,若果在哪一間的超市都有佢的出品,通常都屬於大量生產,正唔正就可想而知~~至於味道,飲慣蜜糖的一飲就知...一百元流下的都未必假,反而太貴仲覺得食水深~~
呀博
森兄
熊仔想見下..肥仔森模樣 哈哈 !
版主回應
博兄：
飲蜂蜜唔同汽水，唔會太肥人～～
飲極都係一個星期：一、兩杯份量！！
熊人仔
森仔 : 飲得多好肥 ..
herotang
身為港人,支持港產,起碼品質有保證!
版主回應
係呀~~若然品質是好的,當然要港人撐港貨啦!!!
kammy
我飲的都係紐西蘭蜜糖,人地話係最靚,我就唔清楚XD 至於真正既蜜糖,我都未試過... 不過,呢D天氣,個人真係易攰同易病,昨天先突然打乞嚏打唔停...食左藥好少少,不過個仲好攰...森伯都小心身體呀!!
版主回應
你所講的紐西蘭蜜糖, 是那種較深色的麥盧卡蜂蜜?!!...佢的味道很特別，只會開水飲，自己平時用冬蜜加在其他食材上食，普通蜜味就可以…
呢個時候乍暖還寒，都係要好好保重身體，增強體質好重要！！
BIM
祝森精神飽滿，蜜到困除⋯
吸血鬼
我一年四季都有春困呀~ 哈....
版主回應
好耐冇見，冇了Y-blog後好多blog消失晒?!!!!
若果你有新網址就給我吧~~
我一日廿四小時都 ”春困” 緊！！……
man-man
我都要飲番D蜜糖水補番下至得。
版主回應
平時冇咩事的時候試下飲，當飲多了就會自然增強抵抗力…
ykk
森兄好招: 口蜜福見!!!
新聞台Blog小天使
親愛的台長︰
恭喜您！此篇文章圖片極為優質，獲選為本日熱門圖片，將會出現在新聞台首頁熱門圖片區塊輪播。請您繼續保持每日撰寫文章的好習慣，期待您提供讀者更多精采的圖片，加油！
版主回應
多謝新聞台的支持, 會繼續努力拍攝多些好的圖片, 放到這裡…
Stella
春困！個名咁浪漫，開心的話，不仿困困，咭咭咭！
版主回應
春暮迷迷, 困擾思緒…好有詩意~~~XXXD
講真…瞓得都瞓啦！唔夠精神個樣好殘架...
呀博
森兄
記得雅虎 blog 你嘟有一篇介紹兩隻熊牌子的蜜糖 !
版主回應
博兄, 真係好記性, 兩隻啤啤熊就係Glory Bee Honey外國的有機蜜品牌~
若果本地蜜好的, 當然幫襯返本地貨……
愚
可惜我喉嚨唔受得，次次飲完好多痰，所以好少飲。就放假~~真係唔好病﹗
版主回應
試下改飲有機蜂蜜, 不要買超市那種…可能用糖漿溝~~正常蜜糖好少飲完多痰架喎@@~~
唔好話放假, 平時都唔想病啦~哈哈哈
Gael
我覺得唔關春唔春困事, 一定係著住背心周屋走攝親XXXD
版主回應
哈哈哈…乜攝親會瞓唔夠嘅咩??!!
我意思指有些人在呢個時候容易傷風感冒等, 見到身邊好多人都係咁…
如心恕也
蜂蜜有好多種，我呢邊有便宜的，四元多500克，但另有一款就好貴要廿多元一瓶，聽說對風濕關節很好。
版主回應
據說有蜂皇漿成份的產品, 對關節好好, 這個蜂場有隻頂級蜂蜜, 或者有機會買來試下, 既然你嗰邊的蜂蜜唔貴, 不妨常飲也好的~~
搞一爺
都末聽過（春困），森仔真博學喇！
不過，我有（開會睏），咖啡奶茶都帮唔倒我提神，唔知森仔有乜良方請番我個神出黎呢？
版主回應
試下搜尋”春困”兩個字, 網上有好多資料…
你唔可以有”開會睏, 你知啦你一人之下, 萬人之上…個個等你做決策~~
只要開會時唔好神遊太空, 應該唔會原神出竅嘅~~~
我每朝早都食一茶匙蜜糖，但點為之正定正，我真係唔識分，食同唔食又冇顯著唔同，我都係喺超市度買，嗰啲賣康健食品既店舖講得幾純正，但係幾佰元一樽仔，太貴喇，又唔保正到百份百純正冇化學野溝，食咗又係冇咩顯著功效，都係買一佰元流下一樽嗰啲算喇，就算唔正都洗噤激氣。