2014-04-03 09:51:15森源
秘笈...
講真，在日常生活上有時都會遇到幾多生活難題，除了可以發揮吓自己的小宇宙之外，真係好想好想有本生活“秘笈”幫吓手！！
就好似我哋平時買完電器電子用品，返到屋企唔知點搞好…呢個時候就要本說明書，逐個步驟去教你點做～但係現實的生活之中就一定冇呢本說明書，或者秘笈教你點做！通常都係靠自己慢慢去探索去嘗試…當然可能會做錯，亦可能會做對！
有日在途中，就畀我發現…今云真係開心大發現XXD，竟然有“秘笈”賣喎！！而且每本都抵到爛！只賣$12咋…跟著睇埋係咩咩秘笈先？！都發覺唔多吸引囉，我諗呢類秘笈都係寫些人生格言之類，不過起題就麻麻地，但勝在夠創意！望到即時諗返起武俠片中的武林秘笈…哈哈
識得森伯耐的人，都知道森伯唔係：“隨口噏；當秘笈”嗰類人，唔係事實就唔會亂講！若然講得出，都有好多成係真憑實據～～
人生咁多難題，若果能夠送一本必勝的秘笈去教你，你又會揀咩咩秘笈咁呢？！
講得明白D, 就係知多少少嘢買比人copied!
版主回應
唔駛怕,通常人家認為有用先致copied...通常放上網都預咗~~
2014-04-06 09:21:57
有點似通勝XXXD