相信今早最熱門的話題，都莫過於昨晚突如其來的一場雨…真係要講句天有不測之風雲，初時都唔會預料到…雷大雨大，而且仲有畀平時十號風球仲要勁的風聲，聽到玻璃窗都有沙沙響，感覺都幾奇怪，咁大雨當然房間的窗台已經全濕，在清理水漬之際，突然見到一粒晶瑩的水珠，伸手一模，原來係一粒冰，應該是冰雹…落雹就聽得多，咁大個人都係第一次接觸冰雹…因為當時有客到訪，所以點都要等人家走了，先收拾殘局，成間房都好濕！要開冷氣風扇雙管齊下整乾所有東西，執吓吹吓咁就搞左成晚…...

異象（二）

平時都會見到幾多木綿樹，一到呢個時候通常木綿就會開花，不過今年的木綿花開得快，而且落得更快…見到好多樹的樹下都一大片紅紅的花，我自己就真係唔知嘞～木綿花會咁快就落，好多樹都秃秃地，就算剩餘的花都開得唔靚唔燦爛，花開花落又一年，呢一年又好似快過頭…XXD又唔駛太悲觀，可能正如詩人龔自珍所講：化作春泥更護花呢！！如果有有識之士知道木綿樹的開花週期，都可以話畀森伯知，等老人家又識多啲啲…

異象（三）

唔知大家有冇睇“我是歌手”呢個節目咁呢？！呢個節目聽聞話有好多國內觀眾捧場…你話佢好收視係一回事，其實歌手與歌手間係有咩可以比高低呢，作為一個已成名的歌手，都梗會有自己的歌路唱腔，同埋自己的風格！當為一個Show都可以，但當為一個競爭比賽，就覺得有少少侮辱歌手本身的專業…我就冇睇！因為講多過唱，冇耐性慢慢欣賞！…

不過都好唔明，點解會有歌手上去參加…可能只是想爭取多一個曝光機會……講到最後，好在周華健冇參加過…唔係即刻扣晒分！！冇晒實力歌手的光環～～XXXXXD